ನಷ್ಟದಲ್ಲಿದೆಯಾ ವಿ ಆರ್ ಎಲ್ ಸಂಸ್ಥೆ.

ಬೆಂಗಳೂರು
ಸರಕು ಸಾಗಾಣಿಕೆ ಸೇವೆ ಮತ್ತು ಮಾಧ್ಯಮ ಸಂಸ್ಥೆಗಳ ಮೂಲಕ ಇಡೀ ದೇಶದಲ್ಲಿ ವಿ ಆರ್ ಎಲ್ ಸಂಸ್ಥೆ ಹೆಸರುವಾಸಿಯಾಗಿದೆ. ಬಸ್ಸುಗಳು ಮತ್ತು ಸರಕು ಸಾಗಾಣಿಕೆಯಲ್ಲಿ ಅತ್ಯಂತ ವಿಶ್ವಾಸಾರ್ಹ ಸೇವೆ ಎನ್ನುವುದು ಈ ಸಂಸ್ಥೆಗೆ ಇರುವ ಹೆಗ್ಗಳಿಕೆ.
ಇಂತಹ ಪ್ರತಿಷ್ಠಿತ ಸಂಸ್ಥೆ ಇದೀಗ ನಷ್ಟದಲ್ಲಿದೆಯಾ ಎಂಬ ಚರ್ಚೆಗಳು ನಡೆಯುತ್ತಿವೆ. ಇದಕ್ಕೆ ಪೂರಕವೆನಿಸುವಂತೆ ಕೆಲವು ವಿದ್ಯಮಾನಗಳು ಸಂಸ್ಥೆಯಲ್ಲಿ ನಡೆಯುತ್ತಿವೆ.
ಮೊನ್ನೆಯಷ್ಟೇ ಈ ಸಂಸ್ಥೆಗೆ ಸೇರಿದ ದಿಗ್ವಿಜಯ ವಾಹಿನಿಯನ್ನು ಮಾರಾಟ ಮಾಡಲಾಗಿತ್ತು ಇದೀಗ ಈ ಸಂಸ್ಥೆಯ ಮತ್ತೊಂದು ಗರಿಯಾದ ಓಂಕಾರ್ ಮಿನರಲ್ಸ್ ಅನ್ನು ಮಾರಾಟ ಮಾಡಲಾಗುತ್ತಿದೆ.
ಓಂಕಾರ್ ಹೆಸರಿನಲ್ಲಿ ಶುದ್ದೀಕರಿಸಿದ ಖನಿಜ ಲವಣ ಯುಕ್ತ ನೀರನ್ನು ಮಾರಾಟ ಮಾಡಲಾಗುತ್ತಿದೆ. ವಾರ್ಷಿಕ ಸುಮಾರು 15 ಕೋಟಿ ವಹಿವಾಟು ನಡೆಸುತ್ತಿರುವ ಈ ಸಂಸ್ಥೆ ಎರಡು ಬಾಟ್ಲಿಂಗ್ ಘಟಕ ಹಾಗೂ 140 ವಿತರಕರನ್ನು ಹೊಂದಿದ್ದು ಇದೀಗ ನಿರ್ವಹಣೆಯ ಕಷ್ಟದ ಕಾರಣಕ್ಕೆ ಮಾರಾಟ ಮಾಡಲಾಗುತ್ತಿದೆ.