ಮುಂಬಯಿ: ರಾಜಸ್ಥಾನ ರಾಯಲ್ಸ್ ಪ್ರಸಕ್ತ ಸಾಲಿನ ಐಪಿಎಲ್ ಕೂಟದಲ್ಲಿ ಸಾಧಿಸಿದ ಗರಿಷ್ಠ ಮೊತ್ತವನ್ನು (212/2) ಮೆಟ್ಟಿ ನಿಲ್ಲಲು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ವಿಫಲವಾಗಿ, 15 ರನ್ ಗಳಿಂದ ಸೋತಿದೆ.
ಅಮೋಘ ಫಾರ್ಮ್ ನಲ್ಲಿರುವ ಜೋಸ್ ಬಟ್ಲರ್ ಈ ಟೂರ್ನಿಯ ಮೂರನೇ ಶತಕ ಸಿಡಿಸಿದರ. ಅವರು ಕೇವಲ 61 ಎಸೆತಗಳಲ್ಲಿ 9 ಬೌಂಡರಿ ಮತ್ತು 9 ಸಿಕ್ಸರ್ ಸಹಿತ116 ರನ್ ಚಚ್ಚಿದರು. ಇವರಿಗೆ ಉತ್ತಮ ಸಾಥ್ ನೀಡಿದ ದೇವದತ್ತ ಪಡಿಕ್ಕಲ್ 54 ರನ್ ಬಾರಿಸಿ, ಮೊದಲ ವಿಕೆಟ್ ಗೆ ದಾಖಲೆಯ 155 ರನ್ ಜತೆಯಾಟವಾಡಿದರು. ಬಳಿಕ ಕ್ರೀಸ್ ಗೆ ಬಂದ ನಾಯಕ ಸಂಜು ಸ್ಯಾಮ್ಸನ್ ಕೇವಲ 19 ಎಸೆತಗಳಲ್ಲಿ 46 ರನ್ ದೋಚಿದರು. ಈ ಇನ್ನಿಂಗ್ಸ್ ನಲ್ಲಿ5 ಬೌಂಡರಿ, 3 ಸಿಕ್ಸರ್ ಗಳಿದ್ದವು.
ಡೆಲ್ಲಿ ತಂಡವೂ ಬಿರುಸಿನ ಚೇಸಿಂಗ್ ಆರಂಭಿಸಿತು. ವಾರ್ನರ್ 14 ಎಸೆತಗಳಲ್ಲಿ 28, ನಾಯಕ ರಿಷಭ್ ಪಂತ್ 24 ಎಸೆತಗಳಲ್ಲಿ 44, ಪೃಥ್ವಿ ಶಾ 37, ಲಲಿತ್ ಯಾದವ್ 37 ಅಬ್ಬರ ಸಾಲಲಿಲ್ಲ. ಕೊನೆಗಳಿಗೆಯಲ್ಲಿ ರೋಮನ್ ಪೊವೆಲ್ 5 ಸಿಕ್ಸರ್ ಗಳಿಂದ ಆಬ್ಬರಿಸಿದರೂ ಗೆಲುವಿಗೆ 15 ರನ್ ಕಮ್ಮಿ ಬಿದ್ದವು. ಪ್ರಸಿದ್ಧ ಕೃಷ್ಣ 3, ಅಶ್ವಿನ್ 2 ವಿಕೆಟ್ ಗಳಿಸಿದರು.
ಜೋಸ್ ಬಟ್ಲರ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಪಾತ್ರರಾದರು
