ಗದಗ: ಜಿಲ್ಲೆಯಲ್ಲಿ ಹನಿ ನೀರಾವರಿಗಾಗಿ ಜಮೀನುಗಳಲ್ಲಿ ಹಾಕಿದ್ದ ಪೈಪ್ ಗಳು ಕಳ್ಳತನವಾಗಿರೋ ಬಗ್ಗೆ ಸುದ್ದಿ ಹಬ್ಬಿತ್ತು. ಆದ್ರೆ ಈಗ ಪೈಪ್ ಗಳನ್ನ ಕಳ್ಳತನ ಮಾಡ್ತಿರೋವಾಗಲೇ ರೆಡ್ ಹ್ಯಾಂಡ್ ಆಗಿ ಸಿಕ್ಕು ಟ್ರ್ಯಾಕ್ಟರ್ ಬಿಟ್ಟು ಪರಾರಿಯಾಗಿದ್ದಾರೆ ಕಳ್ಳರು. ಅಂದಹಾಗೆ ಗದಗ ಜಿಲ್ಲೆಯ ಮುಂಡರಗಿ ತಾಲೂಕಿನ ಜಂತ್ಲಿಶೀರೂರ್ ಬಳಿ ಜಮೀನುಗಳಲ್ಲಿ ಹಾಕಿದ್ದ ಲಕ್ಷಾಂತರ ರೂ. ಮೌಲ್ಯದ ಹನಿನೀರಾವರಿಯ ಪೈಪ್ ಗಳನ್ನ ಟ್ರ್ಯಾಕ್ಟರ್ ನಲ್ಲಿ ಹಾಕಿಕೊಂಡು ಪರಾರಿಯಾಗ್ತಿದ್ದರು. ಇದನ್ನ ನೋಡಿದ ಕೆಲ ರೈತರು ಟ್ರ್ಯಾಕ್ಟರ್ ತಡೆದು ವಿಚಾರಣೆ ಮಾಡ್ತಿದ್ದಂತೆ ಪೈಪ್ ತುಂಬಿದ ಟ್ರ್ಯಾಕ್ಟರ್ ಬಿಟ್ಟು ಪರಾರಿಯಾಗಿದ್ದಾರೆ. ಇನ್ನು ಮುಂಡರಗಿ ಪೊಲೀಸರಿಗೆ ರೈತರು ಪೈಪ್ ತುಂಬಿದ ಟ್ರ್ಯಾಕ್ಟರ್ ನ್ನ ಒಪ್ಪಿಸಿದ್ದು ಆರೋಪಿಗಳನ್ನ ಹಿಡಿದು ಬುದ್ದಿಕಲಿಸಬೇಕು ಅಂತ ಒತ್ತಾಯಿಸಿದ್ದಾರೆ.
ಹನಿ ನೀರಾವರಿಯ ಪೈಪ್ ಕಳ್ಳತನ: ಪೈಪ್ ತುಂಬಿದ ಟ್ರ್ಯಾಕ್ಟರ್ ಬಿಟ್ಟು ಕಳ್ಳರು ಪರಾರಿ
