ತನ್ನ ಉಡಾವಣಾ ಕಾರ್ಯಾಚರಣೆಗಳಲ್ಲಿ ಭಾರತದ ಬಾಹ್ಯಾಕಾಶ ಸಂಸ್ಥೆಗೆ ಮತ್ತೊಂದು ಹಿನ್ನಡೆಯಾಗಿ, ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಭಾನುವಾರ ತನ್ನ ಮೊದಲ ಸಣ್ಣ ಉಪಗ್ರಹ ಉಡಾವಣಾ ವಾಹನದಲ್ಲಿರುವ ಉಪಗ್ರಹಗಳನ್ನು ಎಸ್ಎಸ್ಎಲ್ವಿ-ಡಿ 1 ಅಂಡಾಕಾರದ ಕಕ್ಷೆಯಲ್ಲಿ ಇರಿಸಿದ ನಂತರ “ಇನ್ನು ಇವುಗಳನ್ನು ಬಳಸಲಾಗುವುದಿಲ್ಲ” ಎಂದು ಹೇಳಿದೆ. ವೃತ್ತಾಕಾರದ ಬದಲಿಗೆ ಅಂಡಾಕಾರದ ಕಕ್ಷೆಯಲ್ಲಿ ಉಪಗ್ರಹಗಳನ್ನು ಇರಿಸಲಾದ್ದರಿಂದ ಈ ಅನಿರೀಕ್ಷಿತ ತಪ್ಪು ನಡೆದಿದೆ ಎಂದು ವರದಿಯಾಗಿದೆ.
ಭಾರತದ ಬಾಹ್ಯಾಕಾಶ ಸಂಸ್ಥೆ ತನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್ನಲ್ಲಿ ಇದಕ್ಕಾಗಿ ಸ್ಥಾಪಿಸಿದ ಸಮಿತಿಯು ಇಂದಿನ ಘಟನೆ ಮತ್ತು ಅದಕ್ಕೆ ಸಂಬಂಧಪಟ್ಟ ಶಿಫಾರಸುಗಳ ಅನುಷ್ಠಾನದ ಬಗ್ಗೆ ವಿಶ್ಲೇಷಿಸುತ್ತದೆ ಮತ್ತು ತನ್ನ ಶಿಫಾರಸುಗಳನ್ನು ಮಾಡುತ್ತದೆ ಎಂದು ಮಾಹಿತಿ ನೀಡಿದೆ. ಇನ್ನೊಂದು ಸಣ್ಣ ಉಪಗ್ರಹ ಉಡಾವಣಾ ವಾಹನ SSLV-D2 ನೊಂದಿಗೆ ಶೀಘ್ರದಲ್ಲೇ ಸಂಸ್ಥೆ ಬರಲಿದೆ ಎಂದು ಹೇಳಲಾಗಿದೆ.
ತನ್ನ ಮೊದಲ SSLV ಕಾರ್ಯಾಚರಣೆಯಲ್ಲಿ, ಉಡಾವಣಾ ವಾಹನವು ಭೂಮಿಯ ವೀಕ್ಷಣೆ ಉಪಗ್ರಹ EOS-02 ಮತ್ತು ಸಹ-ಪ್ರಯಾಣಿಕ ವಿದ್ಯಾರ್ಥಿ ಉಪಗ್ರಹ AzaadiSAT ಅನ್ನು ಸಾಗಿಸಿತು. SSLV ತನ್ನ ಟರ್ಮಿನಲ್ ಹಂತದಲ್ಲಿ ‘ದತ್ತಾಂಶ ನಷ್ಟ’ವನ್ನು ಅನುಭವಿಸಿದೆ, ಆದರೆ ಎಲ್ಲಾ ಹಂತಗಳಲ್ಲಿ “ನಿರೀಕ್ಷಿಸಿದಂತೆ” ಪ್ರದರ್ಶನ ನೀಡಿತ್ತು. ಭಾನುವಾರ ಬೆಳಗ್ಗೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದ ಬಾಹ್ಯಾಕಾಶ ನಿಲ್ದಾಣದಿಂದ ಮೇಲೇರಿದ ಉಪಗ್ರಹ ವಾಹಕ ಬಹು ನಿರೀಕ್ಷೆಯನ್ನು ಮೂಡಿಸಿತ್ತು. .
ಇಸ್ರೋ ತನ್ನ ಉಡಾವಣಾ ಕಾರ್ಯಾಚರಣೆಗಳಲ್ಲಿ ಹಿನ್ನಡೆಯನ್ನು ಎದುರಿಸುತ್ತಿರುವುದು ಇದೇ ಮೊದಲಲ್ಲ.
