ಸುಹಾನಾ ಖಾನ್ ರನ್ನು ತನ್ನ ‘ಸಂಗಾತಿ’ ಎಂದು ಕುಟುಂಬಕ್ಕೆ ಪರಿಚಯಿಸಿದ ಅಗಸ್ತ್ಯ ನಂದಾ , ಅನುಮೋದಿಸಿದ ಶ್ವೇತಾ ಬಚ್ಚನ್.
ಅಮಿತಾಭ್ ಬಚ್ಚನ್ ಮೊಮ್ಮಗ ಅಗಸ್ತ್ಯ ನಂದಾ ಮತ್ತು ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಅಧಿಕೃತ ಮೂಲಗಳಿಂದ ತಿಳಿದುಬಂದಿದೆ. ಕಳೆದ ವರ್ಷ ಕಪೂರ್ ಕುಟುಂಬದ ವಾರ್ಷಿಕ ಕ್ರಿಸ್ಮಸ್ ಬ್ರಂಚ್ ನಲ್ಲಿ ಸುಹಾನಾ ಕಾಣಿಸಿಕೊಂಡಿದ್ದರು. ಆಗಿನಿಂದಲೇ ಅವರಿಬ್ಬರ ಸಂಬಂಧ ಸುದ್ದಿಯಲ್ಲಿತ್ತು. ಆದರೆ ಇತ್ತೀಚೆಗೆ, ಅಗಸ್ತ್ಯ ಅವರು ತಮ್ಮ ಕುಟುಂಬದ ಎಲ್ಲ ಸದಸ್ಯರೆದುರು ಸುಹಾನಾ ಅವರನ್ನು ತಮ್ಮ ‘ಸಂಗಾತಿ’ ಎಂದು ಪರಿಚಯಿಸಿದರು ಎನ್ನಲಾಗಿದೆ. ಅಗಸ್ತ್ಯ ಅವರ ತಾಯಿ ಶ್ವೇತಾ ಬಚ್ಚನ್ ಅವರು ಕೂಡ ಸುಹಾನಾ ಅವರನ್ನು ಇಷ್ಟಪಡುತ್ತಾರೆ ಮತ್ತು ಅವರಿಬ್ಬರ ಸಂಬಂಧವನ್ನು ಅನುಮೋದಿಸಿದ್ದಾರೆ ಎಂದು ಹತ್ತಿರದ ಮೂಲಗಳು ತಿಳಿಸಿವೆ.
ದಿ ಆರ್ಚೀಸ್ ಚಿತ್ರದ ಮೂಲಕ ತಮ್ಮ ಚೊಚ್ಚಲ ನಟನೆಯನ್ನು ಮಾಡುತ್ತಿರುವ ಈ ಜೋಡಿ, ಸಾಕಷ್ಟು ಸಮಯವನ್ನು ಒಟ್ಟಿಗೆ ಕಳೆಯುತ್ತಿದ್ದರು. ಕಳೆದ ತಿಂಗಳು, ಸುಹಾನಾ ಮತ್ತು ಅಗಸ್ತ್ಯ ಕಪೂರ್ ಕ್ರಿಸ್ಮಸ್ ಬ್ರಂಚ್ ಗೆ ಒಟ್ಟಿಗೆ ತೆರಳುತ್ತಿರುವ ಚಿತ್ರಗಳು ಮತ್ತು ವೀಡಿಯೋಗಳು ವೈರಲ್ ಆಗಿದ್ದವು. ದೃಶ್ಯಗಳಲ್ಲಿ, ಸುಹಾನಾ ತಮ್ಮ ವದಂತಿಯ ಗೆಳೆಯನ ಉಡುಪಿನೊಂದಿಗೆ ಮ್ಯಾಚ್ ಆಗುವ ಕಪ್ಪು ದಿರಿಸಿನಲ್ಲಿ ನಂದಾ ಕುಟುಂಬದ ಸದಸ್ಯರೊಂದಿಗೆ ಬ್ರಂಚ್ ಗೆ ತೆರಳಿದ್ದು ಕಂಡುಬಂದಿತ್ತು. ಅವರು ಆಲಿಯಾ ಭಟ್, ರಣಬೀರ್ ಕಪೂರ್ ಮತ್ತು ಇತರ ಕುಟುಂಬದ ಸದಸ್ಯರೊಂದಿಗೆ ಕೌಟುಂಬಿಕ ಫೋಟೋದಲ್ಲಿಯೂ ಸಹ ಕಾಣಿಸಿಕೊಂಡಿದ್ದರು.
ಕಳೆದ ತಿಂಗಳು ಪೂರ್ಣಗೊಂಡ ದಿ ಆರ್ಚೀಸ್ ಚಿತ್ರದಲ್ಲಿ ಅಗಸ್ತ್ಯ ನಂದಾ ಮತ್ತು ಸುಹಾನಾ ಖಾನ್ ರೊಂದಿಗೆ, ಬೋನಿ ಕಪೂರ್ ಅವರ ಕಿರಿಯ ಮಗಳು ಖುಷಿ ಕಪೂರ್, ಮಿಹಿರ್ ಅಹುಜಾ, ಡಾಟ್, ಯುವರಾಜ್ ಮೆಂಡಾ ಮತ್ತು ವೇದಂಗ್ ರೈನಾ ಅವರನ್ನು ಕೂಡ ಕಾಣಬಹುದು. ತಮ್ಮ ಪಾತ್ರವರ್ಗದೊಂದಿಗೆ ಚಿತ್ರೀಕರಣದ ಮುಕ್ತಾಯವನ್ನು ಆಚರಿಸುತ್ತಾ, ಮೂರು ಹಂತದ ಕೇಕ್ ಅನ್ನು ಕತ್ತರಿಸುತ್ತಿರುವ ಚಿತ್ರಗಳನ್ನು ಜೋಯಾ ಅವರು ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ.
