ಅಹಮದಾಬಾದ್: ಇದೊಂಥರಾ ಅಪರೂಪದ ಮದುವೆ. ಇದು ತನ್ನನ್ನು ತಾನೇ ಮದುವೆಯಾಗುವ ಕ್ಷಣ. ಇಂತಹ ವಿಚಿತ್ರ, ಅಷ್ಟೇ ಅಪರೂಪದ ಕ್ಷಣವನ್ನು ತನ್ನದಾಗಿಸಿಕೊಳ್ಳಲು ಗುಜರಾತ್‌ನ ಕ್ಷಮಾ ಬಿಂದು ಮುಂದಾಗಿದ್ದಾಳೆ.
24ರ ಹರೆಯದ ಕ್ಷಮಾ ಬಿಂದು ಎಂಬಾಕೆ ತನ್ನನ್ನು ತಾನೇ ಮದುವೆಯಾಗಲು ನಿರ್ಧರಿಸಿದ್ದಾಳೆ. ಈಕೆಯ ಈ ಕಲ್ಪನೆ ವಿಲಕ್ಷಣ ಎನಿಸಿದರೂ ಇದು ಬೆಳೆಯುತ್ತಿರುವ ಸಂಬಂಧದ ಪ್ರವೃತ್ತಿಗಳಲ್ಲಿ ಒಂದಾಗಿದೆ. ಇದನ್ನು ಸಾಮಾನ್ಯವಾಗಿ ಏಕಪತ್ನಿತ್ವ ಅಥವ ಸ್ವಯಂ-ವಿವಾಹ ಎಂದು ಕರೆಯಲಾಗುತ್ತದೆ. ಹೆಚ್ಚಿನ ವ್ಯಕ್ತಿಗಳು ತಮ್ಮ 20ರ ಹರೆಯದಲ್ಲಿ ಸಂಭಾವ್ಯ ಹೊಂದಾಣಿಕೆಯನ್ನು ಹುಡುಕುವ ಅನ್ವೇಷಣೆಯನ್ನು ಪ್ರಾರಂಭಿಸಿದರೆ, ಗುಜರಾತ್‌ನ ವಡೋದರದ ಈ ಯುವತಿ ಸಂಬಂಧಗಳ ಕಡೆಗೆ ವಿಭಿನ್ನ ವಿಧಾನವನ್ನು ಕಂಡುಕೊಂಡಿದ್ದಾರೆ.
ಕ್ಷಮಾ ಬಿಂದು ತನ್ನೊಂದಿಗೆ ತನ್ನನ್ನೇ ಗಂಟು ಹಾಕಿಕೊಳ್ಳಲು ನಿರ್ಧರಿಸಿದ್ದಾಳೆ. “ನಾನು ಎಂದಿಗೂ ಮದುವೆಯಾಗಲು ಬಯಸಲಿಲ್ಲ.
ಆದರೆ ನಾನು ವಧು ಆಗಲು ಬಯಸಿದ್ದೆ. ಹಾಗಾಗಿ ನಾನೇ ನನ್ನನ್ನು ಮದುವೆಯಾಗಲು ನಿರ್ಧರಿಸಿದೆ” ಎಂದು ಕ್ಷಮಾ ಹೇಳಿದ್ದಾಳೆ.
ಖಾಸಗಿ ಸಂಸ್ಥೆಯೊಂದರಲ್ಲಿ ಕೆಲಸ ಮಾಡುತ್ತಿರುವ ಕ್ಷಮಾ ಅವರು ತನ್ನನ್ನು ವಿವಾಹವಾದ ಅಥವ ಭಾರತದಲ್ಲಿ ಏಕಪತ್ನಿತ್ವವನ್ನು ಅಭ್ಯಾಸ ಮಾಡಿದ ಮಹಿಳೆಯನ್ನು ಹುಡುಕಲು ಪ್ರಯತ್ನಿಸಿದೆ. ಆದರೆ ಯಾರೂ ಸಿಗಲಿಲ್ಲ ಎಂದು ಹೇಳಿಕೊಂಡಿದ್ದಾಳೆ.
ಹೀಗಾಗಿ ತಾನೇ ಈ ರೀತಿ ಮದುವೆಯಾಗುತ್ತಿರುವುದು ಎಂದು ಕ್ಷಮಾ ನಂಬಿದ್ದಾಳೆ. ಈಕೆಯ ಮದುವೆ ದೇಶದಲ್ಲೇ “ಸ್ವ-ಪ್ರೀತಿಯ” ಮೊದಲ ಮದುವೆ ಎನಿಸಿಕೊಳ್ಳಲಿದೆ. ಏಕಪತ್ನಿತ್ವದ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸಲು, ತನ್ನ ಬದ್ಧತೆಯ ಮತ್ತು “ಸ್ವಯಂ-ಸ್ವೀಕಾರದ ಕ್ರಿಯೆ” ಇದೆಂದು ಕ್ಷಮಾ ಹೇಳಿಕೊಂಡಿದ್ದಾಳೆ.
ಕ್ಷಮಾ ತನ್ನೊಂದಿಗೆ ‘ಸಾತ್ ಫೇರ್’ ತೆಗೆದುಕೊಳ್ಳಲು ಸಜ್ಜಾಗಿದ್ದು, ಜೂನ್ 11 ರಂದು ಮದುವೆಯಾಗಲಿದ್ದಾರೆ. ವರನನ್ನು ಹೊರತುಪಡಿಸಿ ಇಬ್ಬರು ವ್ಯಕ್ತಿಗಳು ಗಂಟು ಹಾಕಿದಾಗ ಕಂಡುಬರುವ ಎಲ್ಲಾ ಅಂಶಗಳನ್ನು ಅವರ ಈ ಅಪರೂಪದ ಮದುವೆ ಹೊಂದಿರುತ್ತದೆ. ಕ್ಷಮಾ ವಿಧಿವಿಧಾನಗಳನ್ನು ಮಾಡುತ್ತಾಳೆ, ಸಿಂಧೂರವನ್ನು ಧರಿಸುತ್ತಾಳೆ ಮತ್ತು ಅವಳು ತನಗಾಗಿ ಐದು ವಚನಗಳನ್ನು ಸಹ ಈಗಾಗಲೆ ಬರೆದಿದ್ದಾಳೆ.
ಕ್ಷಮಾ ಹನಿಮೂನ್ ಯೋಜನೆಗಳನ್ನು ಸಹ ಮಾಡಿಕೊಂಡಿದ್ದಾಳೆ. ಮದುವೆಯಾದ ನಂತರ ಎರಡು ವಾರ ಕಾಲ ಗೋವಾ ಪ್ರವಾಸ ಮಾಡಲಿದ್ದಾರೆ.
ತನ್ನನ್ನು ತಾನೇ ಮದುವೆಯಾಗಲಿರುವ ಗುಜರಾತ್‌ನ ಕ್ಷಮಾ! ಜೂ11ಕ್ಕೆ ಸ್ವಯಂ ವಿವಾಹ
