ಇಸ್ರೇಲ್ ಗೆ ಯಾಕೆ ಹೀಗಾಯ್ತು?

ಇಸ್ರೇಲ್ ಒಂದು ಪುಟ್ಟ ದೇಶ. ಎಲ್ಲ ಕಡೆಯೂ ಮುಸಲ್ಮಾನ ದೇಶಗಳು ಸುತ್ತುವರೆದಿರುವ ಸಣ್ಣ ದೇಶ. ಯೆಹೂದಿಗಳು ಅಥವಾ ಜೂವ್ಸ್ ಎಂದು ಕರೆಯಲ್ಪಡುವ ಏಕದೇವೋಪಾಸಕ ಪ್ರಮುಖ ಮೂರು ಧರ್ಮಗಳ ಪೈಕಿ ಒಂದಾಗಿರುವ ಜೂವಿಶ್ ಧರ್ಮದ ಅನುಯಾಯಿಗಳು ಇವರು. ವಿಶ್ವದಾದ್ಯಂತ ಇವರ ಸಂಖ್ಯೆ ಕಡಿಮೆ. ಅನೇಕ ದೇಶಗಳಲ್ಲಿ ಪ್ರತಿಯೊಂದು ಕಾಲಘಟ್ಟದಲ್ಲೂ ದಮನಕ್ಕೆ ಒಳಗಾದ ಈ ಧರ್ಮೀಯರು ಹಿಟ್ಲರ್ ನ ಆಡಳಿತದಲ್ಲಿ ಬಹಳಷ್ಟು ಹಿಂಸೆಯನ್ನನುಭವಿಸಿ ನಶಿಸಲ್ಪಟ್ಟರು. ಆನಂತರ ಇವರಿಗೆ ಇವರ ಮೂಲ ಸ್ಥಳವಾಗಿದ್ದ ಜೆರೂಸಲೇಮ್ ನಗರದ ಸುತ್ತಮುತ್ತಲಿನ ಪ್ರಾಂತ್ಯಗಳನ್ನು ನೀಡಿ ಇವರಿಗೆ ಒಂದು ದೇಶವನ್ನು ಮಾಡಿ ಕೊಡಲಾಯಿತು. ಇವರು ಅಲ್ಲಿ ಬರುವಾಗ ಅಷ್ಟರಲ್ಲೇ ಬಹಳಷ್ಟು ಅರಬರು ಆ ಪ್ರಾಂತ್ಯದಲ್ಲಿದ್ದರು. ಅವರು ತಮ್ಮನ್ನು ಪೆಲಸ್ತೀನಿಯರು ಎಂದು ಕರೆದುಕೊಂಡು ಆ ಭೂಮಿ ತಮ್ಮದು ಎನ್ನುತ್ತಾ ಅನೇಕ ದಶಕಗಳ ಕಾಲ ಹೋರಾಟ ಮಾಡಿದರು. ಕೊನೆಗೆ ಪೆಲಸ್ತೀನಿಯರಿಗೆ ಒಂದಷ್ಟು ಭೂಭಾಗವನ್ನು ನೀಡಲಾಯಿತು. ಆದರೂ ಫೆಲೆಸ್ತೀನಿಯನ್ ಬಂಡುಕೋರರು ಆಗಾಗ್ಗೆ ಇಸ್ರೇಲ್ ಗೆ ತೊಂದರೆ ಮಾಡುತ್ತಿದ್ದರು. ಆದರೆ ಇರಾನ್ ದೇಶ ಅನೇಕ ದಶಕಗಳಿಂದ ಇಸ್ರೇಲ್ ವಿರುದ್ಧ ಕತ್ತಿ ಮಸೆಯುತ್ತಾ ಬಂದಿದೆ. ಮುಸಲ್ಮಾನ ರಾಷ್ಟ್ರಗಳ ಪೈಕಿ ಅಣು ಬಾಂಬ್ ಇರುವುದು ಪಾಕಿಸ್ತಾನದಲ್ಲಿ ಮಾತ್ರ. ಆದರೆ ಇರಾನ್ ಅಣು ಬಾಂಬ್ ಅಭಿವೃದ್ಧಿ ಪಡಿಸುತ್ತಿದೆ ಎನ್ನುವ ವಿಷಯ ಕೇಳಿ ಬರುತ್ತಿತ್ತು. ಅದನ್ನು ತಡೆಯಲು ಅಮೆರಿಕಾ ಕೂಡ ಪ್ರಯತ್ನ ಮಾಡಿದೆ. ತನ್ನ ಸುತ್ತ ಇರುವ ಶ್ರೀಮಂತ ಆದರೆ ಮಿಲಿಟರಿಯಲ್ಲಿ ದುರ್ಬಲ ರಾಷ್ಟ್ರಗಳನ್ನು ಇಸ್ರೇಲ್ ಬಹಳ ವರ್ಷಗಳಿಂದ ತನ್ನ ಗೆಳೆಯ ಅಮೆರಿಕಾದ ಸಹಾಯದೊಂದಿಗೆ ಹೆದರಿಸುತ್ತಾ ಬಂದಿದೆ. ಐಆರ್ನ್ ಡೋಮ್ ಅಥವ ಕಬ್ಬಿಣದ ಗುಮ್ಮಟ ದ ರೀತಿಯಲ್ಲಿ ನಾವು ನಮ್ಮ ದೇಶಕ್ಕೆ ಯಾವ ಮಿಸೈಲ್ ಕೂಡ ಹೊಕ್ಕದಂತೆ ಮಾಡಿಕೊಂಡಿದ್ದೇವೆ. ಅಂಥಾ ತಂತ್ರಜ್ಞಾನ ಇದೆ ಎಂದೆಲ್ಲ ಹೇಳಿಕೊಂಡು ತಮ್ಮ ಮಿಲಿಟರಿ ಪ್ರಾಬಲ್ಯದ ಬಗ್ಗೆ ಬೀಗುತ್ತಿದ್ದರು. ಭಾರತವೂ ಇಸ್ರೇಲ್ ನ ಜೊತೆ ಶಸ್ತ್ರಾಯುಧ ವಿಚಾರದಲ್ಲಿ ಸಹಾಯ ಪಡೆದು ಕೊಳ್ಳುವ ಪ್ರಯತ್ನ ಮಾಡಿದೆ. ಆದರೆ ಸದ್ಯಕ್ಕೆ ನಡೆಯುತ್ತಿರುವ ಇರಾನ್ ಇಸ್ರೇಲ್ ಯುದ್ಧದಲ್ಲಿ ಇರಾನ್ ನ ಕ್ಷಿಪಣಿಗಳು ಅಯರ್ನ್ ಡೋಮ್ ಅನ್ನು ಛೇದಿಸಿ ಒಳ ಹೊಕ್ಕು ಬಹಳಷ್ಟು ನಷ್ಟ ಮತ್ತು ಸಾವು ನೋವು ಉಂಟು ಮಾಡಿ ಇಸ್ರೇಲ್ ನ ಸಮರ್ಥಕರಲ್ಲಿ ಬಹಳ ಆತಂಕ ಮೂಡಿಸಿದೆ. ಆದರೆ ಅಮೆರಿಕಾದ ಸಹಾಯದ ವಿಶ್ವಾಸವಿರುವ ಇಸ್ರೇಲ್ ಇರಾನ್ ಮೇಲೆ ಇನ್ನೂ ದಾಳಿ ಮುಂದುವರೆಸಿದೆ. ಆದರೆ ಇದುವರೆಗೆ ಇಸ್ರೇಲ್ ಅನ್ನು ಮುಟ್ಟಲು ಯಾರಿಗೂ ಸಾಧ್ಯವೂ ಇಲ್ಲ ಅಯರ್ನ್ ಡೋಮ್ ಅಥವಾ ಥಾಡ್ ತಡೆಯನ್ನು ಭೇದಿಸುವ ದೇಶವಿಲ್ಲ ಎನ್ನುವ ಕಥೆಯೆಲ್ಲ ಬದಲಾಗಿದೆ. ಇಸ್ರೇಲ್ ನಂಬಿಕೊಂಡಿದ್ದವರಲ್ಲೂ ದಿಗಿಲು ಮೂಡಿದೆ.