ಅಶ್ವತ್ಥ ಎಲೆಯ ಮೇಲೆ ಸಚಿನ್ ತೆಂಡೂಲ್ಕರ್! ಉಡುಪಿ ಕಲಾವಿದನ ಕೈಚಳಕಕ್ಕೆ ಕ್ರಿಕೆಟ್ ದೇವರು ಫಿದಾ!

ಅಶ್ವತ್ಥ ಮರದ ಎಲೆಯ ಮೇಲೆ ಸಚಿನ್ ತೆಂಡೂಲ್ಕರ್ ಅವರ ಭಾವಚಿತ್ರವನ್ನು ರಚಿಸಿದ ಉಡುಪಿಯ ಯುವ ಕಲಾವಿದ ಮಹೇಶ್ ಮರ್ಣೆ ಅವರನ್ನು ಸಚಿನ್ ತೆಂಡೂಲ್ಕರ್ ಪ್ರಶಂಸಿಸಿದ್ದಾರೆ.
ಮರ್ಣೆ ಗ್ರಾಮದ ಮಹೇಶ್ ಅವರು ಸುಮಾರು ಆರು ತಿಂಗಳ ಹಿಂದೆ ಸಚಿನ್ ತೆಂಡೂಲ್ಕರ್ ಅವರ ಭಾವಚಿತ್ರವನ್ನು ಎಲೆಯ ಮೇಲೆ ಏಳು ನಿಮಿಷಗಳಲ್ಲಿ ಬಿಡಿಸಿದ್ದರು ಮತ್ತು ದಾಖಲೆ ಪುಸ್ತಕಕ್ಕೆ ಸೇರಿದ್ದರು. ಅವರು ವಿಶೇಷ ವಿಶ್ವ ದಾಖಲೆ ಪ್ರಮಾಣಪತ್ರವನ್ನು ಪಡೆದಿದ್ದಾರೆ.
ಮಹೇಶ್ ಅವರು ಸಚಿನ್ ತೆಂಡೂಲ್ಕರ್ ಅವರ ಭಾವಚಿತ್ರವನ್ನು ಚಿತ್ರಿಸಿದ ಎಲೆಯನ್ನು ಸಚಿನ್ ಅವರಿಗೆ ಕಳುಹಿಸಿದ್ದರು.. ಕಲಾಕೃತಿಯನ್ನು ನೋಡಿ ಶ್ಲಾಘಿಸಿ, ಸಚಿನ್ ತೆಂಡೂಲ್ಕರ್ ಮಹೇಶ್ ಅವರಿಗೆ ಪತ್ರವನ್ನು ಬರೆದಿದ್ದಾರೆ ಮತ್ತು ಅವರ ಎರಡು ನೆಚ್ಚಿನ ಛಾಯಾಚಿತ್ರಗಳೊಂದಿಗೆ ಕಲಾವಿದನನ್ನು ಪ್ರಶಂಸಿಸಿದ್ದಾರೆ.