KYC ಪೂರ್ಣಗೊಳಿಸದ FASTag ನಿಷ್ಕ್ರಿಯ ಆಗುತ್ತೆ

KYC ಪೂರ್ಣಗೊಳಿಸದ ವಾಹನ ಮಾಲೀಕರ FASTag ಖಾತೆಯನ್ನು ನಿರ್ಬಂಧಿಸಲಾಗುವುದು ಎಂದು ಭಾರತದ ರಾಷ್ಟ್ರೀಯ ಹೆದ್ದಾರಿಗಳ ಪ್ರಾಧಿಕಾರ NHAI ತಿಳಿಸಿದೆ. ಈಗಾಗಲೇ ಒಂದು ವಾಹನಕ್ಕೆ ಹಲವು FASTag ಗಳು ಒಂದೇ FASTag ಅನ್ನು ಹಲವು ವಾಹನಗಳಿಗೆ ಬಳಸುವುದು ಹೀಗೆಲ್ಲ ನಡೆಯುತ್ತಿರುವುದರಿಂದ ಮತ್ತು ಆ ಕಾರಣದಿಂದಾಗಿ ಟೋಲ್ ಪ್ಲಾಜಾ ಗಳಲ್ಲಿ ಬಹಳಷ್ಟು ಸಮಸ್ಯೆಗಳೂ ಉಂಟಾಗಿರುವುದರಿಂದ ಕೇಂದ್ರ ಸಂಚಾರ ಸಚಿವಾಲಯ ಈ ನಿರ್ದೇಶನ ನೀಡಿದೆ.

ಇನ್ನು ಮುಂದೆ ಒಂದು ವಾಹನಕ್ಕೆ ಒಂದು FASTag ಎಂಬ ನೀತಿಯನ್ನು ಅನುಸರಿಸಲಾಗುವುದು ಮತ್ತು ವಾಹನ ಮಾಲೀಕರು ಈ ನೀತಿಯನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕಾಗುತ್ತದೆ ಎಂದೂ ಸೂಚನೆ ನೀಡಲಾಗಿದೆ. ಒಂದೇ FASTag ಅನ್ನು ಹಲವು ವಾಹನಗಳಿಗೆ ಬಳಸುವವರು ಆ FASTag ಚೀಟಿಯನ್ನು ವಾಹನದ ಗಾಜಿಗೆ ಅಂಟಿಸಿರುವುದಿಲ್ಲ ಆದ್ದರಿಂದ ಸರಾಗವಾಗಿ ಟೋಲ್ ಗಳಲ್ಲಿ ವಾಹನಗಳ ಚಲನೆಯಾಗದೆ ಇತರರಿಗೆ ತೊಂದರೆಯಾಗುತ್ತಿದೆ ಆದ್ದರಿಂದ ಈ ಕ್ರಮ ಕೈಗೊಳ್ಳಲಿಕ್ಕೆ ಅದೂ ಒಂದು ಕಾರಣ ಎಂದು ಹೇಳಾಲಾಗಿದೆ.

ಜನವರಿ 31ರ ನಂತರ FASTag ಅಕೌಂಟ್ ನಲ್ಲಿ ಹಣವಿದ್ದರೂ ಕೂಡ ಸಂಪೂರ್ಣ KYC ಮಾಡದ ವಾಹನಗಳ FASTag ಅನ್ನು ನಿಷ್ಕ್ರಿಯ ಮಾಡಲಾಗುವುದು ಎಂದೂ ಪ್ರಾಧಿಕಾರ ಚೇತಾವಣೆ ನೀಡಿದೆ.