ಬೆಂಗಳೂರು,ಸೆ.1-ರೈಲ್ವೆ ಇಲಾಖೆಯ ನೌಕರ ಎಂದು ಹೇಳಿಕೊಂಡು ನಕಲಿ ಐಡಿ ಕಾರ್ಡ್ ಮಾಡಿಸಿ ರೈಲಿನ ಮೂಲಕ ಗಾಂಜಾ ಸಾಗಿಸಿ ಮಾರಾಟ ಮಾಡುತ್ತಿದ್ದ ಆರೋಪಿಯನ್ನು ಉಪ್ಪಾರಪೇಟೆ ಪೊಲೀಸರು ಬಂಧಿಸಿದ್ದಾರೆ.
ಮೊಹಮ್ಮದ್ ಅಸ್ವಕ್ ಬಂಧಿತ ಆರೋಪಿಯಾಗಿದ್ದಾನೆ. ಆರೋಪಿ ಅಸ್ಸೋಂನಲ್ಲಿ ಒಂದು ಹಾಗೂ ಗದಗದಲ್ಲಿ ಇನ್ನೊಂದು ಮದುವೆ ಮಾಡಿಕೊಂಡಿದ್ದ. ಅಸ್ಸೋಂನಿಂದ ಬೆಂಗಳೂರಿಗೆ ಗಾಂಜಾ ಸಾಗಿಸುತ್ತಿದ್ದ ಅಸ್ವಕ್, ಗಾಂಜಾ ಸಾಗಿಸಲು ರೈಲ್ವೆ ಸಿಬ್ಬಂದಿಯನ್ನು ಬುಕ್ ಮಾಡಿ ಅಸ್ಸೋಂನಲ್ಲಿ ರೈಲನ್ನು ಸ್ವಚ್ಛ ಮಾಡಲು ಹೋದಾಗ ಗಾಂಜಾ ಪ್ಯಾಕೆಟ್ಗಳನ್ನ ಎಸಿ ಕೋಚ್ಗಳಲ್ಲಿ ಲೋಡ್ ಮಾಡಿಸಿ ಅಲ್ಲಿಂದ ಬೆಂಗಳೂರಿಗೆ ತರಿಸುತ್ತಿದ್ದ ಎಂದು ತಿಳಿದುಬಂದಿದೆ.
ಪುಣೆಯಲ್ಲಿ ರೈಲ್ವೆ ನೌಕರ ಎಂದು ಐಡಿ ಕಾರ್ಡ್ ಮಾಡಿಸಿಕೊಂಡಿದ್ದ ಅಸ್ವಕ್, ಬೆಂಗಳೂರಿಗೆ ರೈಲು ತಲುಪುತ್ತಿದ್ದಂತೆ ಕ್ಲೀನಿಂಗ್ಗೆ ಹೋಗುವ ತನಕ ಕಾಯ್ದು ಅಲ್ಲಿ ಗಾಂಜಾ ರಿಸೀವ್ ಮಾಡುತ್ತಿದ್ದ. ಅಲ್ಲದೇ, ಆರೋಪಿಗೆ ರೈಲ್ವೆ ಉದ್ಯೋಗಿಗಳ ಜೊತೆಗೆ ನೆಟ್ವರ್ಕ್ ಇರುವ ಬಗ್ಗೆ ಮಾಹಿತಿ ಸಿಕ್ಕಿದ್ದು, ಸದ್ಯ ಈತನನ್ನು ಬಂಧಿಸಿರುವ ಪೊಲೀಸರು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದಾರೆ.
Ganjaa
Previous Articleಕ್ಷುಲ್ಲಕ ಕಾರಣಕ್ಕೆ ನಡೆಯಿತು ಕೊಲೆ
Next Article ಅವೈಜ್ಞಾನಿಕ ಕಾಮಗಾರಿಯಿಂದ ಪ್ರವಾಹ
