ಗದಗ: ಜಿಲ್ಲೆಯಾದ್ಯಂತ ಸುರಿದ ಭಾರಿ ಮಳೆಗೆ ಹಳ್ಳ ಕೊಳ್ಳಗಳು ತುಂಬಿ ಹರಿಯುತ್ತಿವೆ. ಇನ್ನು ಸೇತುವೆಗಳ ಮೇಲಿಂದ ನೀರು ಹರಿಯುತ್ತಿದೆ. ನದಿ ತುಂಬಿ ಸೇತುವೆ ಮೇಲಿಂದ ನದಿನೀರು ಹರಿಯುತ್ತಿದ್ದು, ನದಿ ನೀರಿನಲ್ಲಿ ಜನರ ಹುಚ್ಚಾಟ ನಡೆಸಿದ್ದಾರೆ.
ರಭಸವಾದ ನೀರಿನ ಪ್ರವಾಹದ ಮಧ್ಯಯೂ ಜನರು ಬೈಕ್ ನಲ್ಲಿ ಸೇತುವೆ ದಾಟುತ್ತಿದ್ದಾರೆ. ನಿರಂತರ ಮಳೆ ಹಿನ್ನೆಲೆ ಮಲಪ್ರಭಾ ನದಿ ತುಂಬಿ ಹರಿಯುತ್ತಿದೆ.
ಗದಗ ಜಿಲ್ಲೆಯ ರೋಣ ತಾಲೂಕಿನ ಹೊಳೆ ಆಲೂರು ಗ್ರಾಮದ ಬಳಿಯ ಮಲಪ್ರಭಾ ನದಿ ಸೇತುವೆ ಮುಳುಗಡೆಯಾಗಿದ್ದು,
ಹೊಳೆ ಆಲೂರು ಬದಾಮಿ ಸಂಪರ್ಕ ಕೂಡ ಕಡಿತವಾಗಿದೆ.
ಮಲಪ್ರಭಾ ನದಿಗೆ ಅಡ್ಡಲಾಗಿ ಕಟ್ಟಿರುವ ಸೇತುವೆ ಮೇಲೆ ರಭಸವಾಗಿ ಹರಿಯುತ್ತಿರುವ ನದಿ ನೀರಿನಲ್ಲಿಯೇ ಬೈಕ್ ಸವಾರರು ದಾಟುತ್ತಿದ್ದಾರೆ.
ಸೇತುವೆ ಮೇಲಿಂದ ಹರಿಯುತ್ತಿರುವ ನದಿ ನೀರು: ಜನರ ಹುಚ್ಚಾಟ
