ಕಾಂತಾರ ಸಿನಿಮಾದ ಟೈಟಲ್ ಹಾಗೂ ಪೋಸ್ಟರ್ ಮೊದಲ ನೋಟಕ್ಕೆ ಕರಾವಳಿಯ ಜಾನಪದ ಕ್ರೀಡೆ ಕಂಬಳದ ಕುರಿತಾದ ಕತೆಯನ್ನು ಹೊಂದಿದೆ ಎಂಬ ಸುಳಿವು ಸಿಕ್ಕಿತ್ತು. ಈ ಸಿನಿಮಾದ ಮೂಲಕ ಕರಾವಳಿ ಮೂಲದ ನಾಯಕ ಹಾಗೂ ನಿರ್ದೇಶಕ ರಿಶಬ್ ಶೆಟ್ಟಿ ತಮ್ಮ ತಾಯ್ನೆಲದ ಸೊಗಡನ್ನು ತೆರೆಗೆ ತರಲು ಸಿದ್ಧರಾಗಿದ್ದಾರೆ. ಈ ಸಿನಿಮಾಗೆ ಕಾಂತಾರ ಎಂಬ ಟೈಟಲ್ ಜೊತೆ ಒಂದು ದಂತ ಕತೆ ಎಂಬ ಟೈಟಲ್ ಕೂಡ ನೀಡಲಾಗಿದ್ದು ಸಿನಿಮಾದ ಬಗ್ಗೆ ಕುತೂಹಲ ಹೆಚ್ಚಿಸಿದೆ.
ಸದ್ಯ ಹೊಂಬಾಳೆ ಫಿಲಂಸ್ನಲ್ಲಿ ಅದ್ದೂರಿಯಾಗಿ ಕಾಂತಾರ ಮೂಡಿ ಬಂದಿದ್ದು, ಇದೇ ವರ್ಷದ ದಸರಾ ಹಬ್ಬಕ್ಕೆ ಅಂದ್ರೆ ಸೆಪ್ಟೆಂಬರ್ 30ಕ್ಕೆ ಗ್ರಾಂಡ್ ರಿಲೀಸ್ ಆಗಲಿದೆ.
ಆದರೆ ಕೆಜಿಎಫ್-2 ಗೆಲುವಿನ ಸಂಭ್ರಮದಲ್ಲಿರುವ ಹೊಂಬಾಳೆ ಫಿಲ್ಷ್ಮ್ ಮಾತ್ರ ಒಂದಾದ ಮೇಲೊಂದರಂತೆ ಸಿನಿಮಾಗಳನ್ನು ತೆರೆಗೆ ತರುತ್ತಿದೆ. ಅಗಸ್ಟ್ನಲ್ಲಿ ನವರಸ ನಾಯಕ ಜಗ್ಗೇಶ್ ನಟನೆಯ ರಾಘವೇಂದ್ರ ಸ್ಟೋರ್ ತೆರೆಗೆ ಬರಲಿದ್ದು, ಅದರ ಬೆನ್ನಲ್ಲೇ ಕಾಂತಾರವೂ ಜನರನ್ನು ರಂಜಿಸಲು ಸಿದ್ಧವಾಗ್ತಿದೆ.
