ಅಣ್ಣನಿಂದಲೇ ನವವಿವಾಹಿತ ತಂಗಿ, ಭಾವನ ಕೊಲೆ

ತಮಿಳುನಾಡು: ಐದು ದಿನಗಳ ಹಿಂದಷ್ಟೇ ವಿವಾಹವಾಗಿದ್ದ ತಂಗಿ ಹಾಗೂ ಭಾವನನ್ನು ಸ್ವತಃ ಅಣ್ಣನೇ ಬರ್ಬರವಾಗಿ ಹತ್ಯೆಗೈದ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.
ತುಳುಕ್ಕವೇಲಿ ನಿವಾಸಿಯಾಗಿದ್ದ 21 ವರ್ಷದ ಶರಣ್ಯಾ ಕುಂಭಕೋಣಂ ಹಾಗೂ 31 ವರ್ಷದ ಮೋಹನ್ ಅನ್ಯ ಜಾತಿಯವರಾಗಿದ್ದು ಪರಸ್ಪರ ಪ್ರೀತಿಸುತ್ತಿದ್ದರು.
ಶರಣ್ಯಾ ಸಹೋದರ ಶಕ್ತಿವೇಲು ಸೋದರ ಮಾವನ ಮಗನನ್ನು ಮದುವೆಯಾಗುವಂತೆ ತಂಗಿಗೆ ಒತ್ತಡ ಹೇರುತ್ತಿದ್ದ. ಆದರೆ ಇದಕ್ಕೆ ಒಪ್ಪದ ಶರಣ್ಯಾ ಮೋಹನ್ ಜೊತೆ ಪ್ರೇಮ ವಿವಾಹವಾಗಿ ಬಳಿಕ ಅಣ್ಣನಿಗೆ ಮಾಹಿತಿ ನೀಡಿದ್ದಳು.
ಇದಾದ ಬಳಿಕ ತಂಗಿಗೆ ಕರೆ ಮಾಡಿದ್ದ ಶಕ್ತಿವೇಲು ನಿಮ್ಮ ಮದುವೆಗೆ ನಮ್ಮ ಒಪ್ಪಿಗೆಯಿದೆ ಎಂದು ಸುಳ್ಳು ಹೇಳಿ ನವಜೋಡಿಗಳನ್ನು ಮನೆಗೆ ಕರೆಸಿಕೊಂಡಿದ್ದಾನೆ. ಶಕ್ತಿವೇಲು ಮನೆಯಲ್ಲಿ ಊಟ ಮಾಡಿ ಶರಣ್ಯಾ ಹಾಗೂ ಮೋಹನ್ ಮನೆಗೆ ವಾಪಸ್ಸಾಗಲು ತಯಾರಾಗುತ್ತಿದ್ದಂತೆಯೇ ಇಬ್ಬರ ಕತ್ತು ಸೀಳಿದ್ದಾನೆ ಎಂದು‌ ಪೊಲೀಸರು ತಿಳಿಸಿದ್ದಾರೆ.