ಬೆಂಗಳೂರಲ್ಲಿ ಮಹಿಳಾ‌ ಹ್ಯಾಂಡ್‌ ಬಾಲ್ ಲೀಗ್ | Women’s Handball League

ಬೆಂಗಳೂರು,ಫೆ.7- ದೇಶದಲ್ಲಿ ಇದೇ ಮೊದಲ ಬಾರಿಗೆ ಮಧ್ಯಪ್ರಾಚ್ಯ, ಆಗ್ನೇಯ, ಯುರೋಪ್ ಹಾಗೂ ಆಫ್ರಿಕಾದ ಪ್ರಮುಖ ಆಟಗಾರ್ತಿಯರಿರುವ ದಕ್ಷಿಣ ಏಷ್ಯಾದ ಮೊದಲ ಮಹಿಳಾ ಹ್ಯಾಂಡ್ ಬಾಲ್ ಲೀಗ್ ಪ್ರಾರಂಭಗೊಳ್ಳಲಿದೆ.
ಉದ್ಘಾಟನಾ ಆವೃತ್ತಿಯಲ್ಲಿ ಆರು ತಂಡಗಳು ಸ್ಪರ್ಧಿಸಲು ಸಜ್ಜಾಗಿರುವ ಲೀಗ್ ನಲ್ಲಿ ಆಟಗಾರರಿಗೆ ತಮ್ಮ ಕೌಶಲ್ಯಗಳನ್ನು ಪ್ರದರ್ಶಿಸಲು ಪರಿವರ್ತಕ ವೇದಿಕೆಯನ್ನು ಒದಗಿಸಲಿದೆ, ಕ್ರೀಡೆಯಿಂದ ಭವಿಷ್ಯದ ಚಾಂಪಿಯನ್ ಗಳನ್ನು ಹೊರತರಲು ವೇದಿಕೆಯನ್ನು ರಚಿಸುವ ಮೂಲಕ ಭಾರತದಲ್ಲಿ ಮಹಿಳಾ ಹ್ಯಾಂಡ್ ಬಾಲ್ ಗೆ ಹೊಸ ರೂಪ ನೀಡಲಿದೆ.
ವಿಶ್ವದಾದ್ಯಂತದ ಆಟಗಾರರ ಸೇರ್ಪಡೆಯು ಲೀಗ್ ನ ವೈವಿಧ್ಯತೆ, ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸುತ್ತದೆ. ದೇಶಾದ್ಯಂತದ ಕ್ರೀಡಾ ಅಭಿಮಾನಿಗಳಿಗೆ ಅತ್ಯುತ್ತಮ ದರ್ಜೆಯ ಹ್ಯಾಂಡ್ ಬಾಲ್ ಆಟದ ದೃಶ್ಯವನ್ನು ಸವಿಯುವ ಭರವಸೆ ನೀಡುತ್ತದೆ ಎಂದು ಹ್ಯಾಂಡ್ ಬಾಲ್ ಅಸೋಸಿಯೇಷನ್ ಆಫ್ ಇಂಡಿಯಾದ ಲೀಗ್ ಅಧ್ಯಕ್ಷ‌ ಹಾಗೂ ದಕ್ಷಿಣ ಏಷ್ಯಾ ಹ್ಯಾಂಡ್ ಬಾಲ್ ಫೆಡರೇಶನ್ ನ ಪ್ರಧಾನ ಕಾರ್ಯದರ್ಶಿ ಆನಂದೇಶ್ವರ ಪಾಂಡೆ ತಿಳಿಸಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು‌ ನಾವು ಭಾರತದ ಮೊದಲ ಮಹಿಳಾ ಹ್ಯಾಂಡ್ ಬಾಲ್ ಲೀಗ್ ಅನ್ನು ಪ್ರಾರಂಭಿಸುವ ಐತಿಹಾಸಿಕ ಕ್ಷಣದ ಭಾಗವಾಗಲು ನಾವು ಹೆಮ್ಮೆಪಡುತ್ತೇವೆ. ದೇಶಾದ್ಯಂತ ಮಹಿಳಾ ಹ್ಯಾಂಡ್ ಬಾಲ್ ಅನ್ನು ಉತ್ತೇಜಿಸುವ ಮತ್ತು ಅಭಿವೃದ್ಧಿಪಡಿಸುವ ನಮ್ಮ ಧ್ಯೇಯದಲ್ಲಿ ಈ ಲೀಗ್ ಮಹತ್ವದ ಹೆಜ್ಜೆಯಾಗಿದೆ ಎಂದು ಹೇಳಿದರು.
ಪಾವ್ನಾ ಸ್ಪೋರ್ಟ್ಸ್ ವೆಂಚರ್ ಮತ್ತು ಏಷ್ಯನ್ ಮತ್ತು ಅಂತಾರಾಷ್ಟ್ರೀಯ ಸಂಸ್ಥೆಗಳೊಂದಿಗೆ ಕೈಜೋಡಿಸುವ ಮೂಲಕ, ಭಾರತದಲ್ಲಿ ಮಹಿಳಾ ಹ್ಯಾಂಡ್ ಬಾಲ್ ನ ಗುಣಮಟ್ಟವನ್ನು ಹೆಚ್ಚಿಸಿ ನಮ್ಮ ಕ್ರೀಡಾಪಟುಗಳಿಗೆ ವಿಶ್ವ ದರ್ಜೆಯ ವೇದಿಕೆಯನ್ನು ಒದಗಿಸುವುದು ನಮ್ಮ ಗುರಿಯಾಗಿದೆ. ಈ ಲೀಗ್ ಹ್ಯಾಂಡ್ ಬಾಲ್ ಹಾಗೂ ಮಹಿಳಾ ಕ್ರೀಡೆಗಳಿಗೆ ಹೊಸ ಯುಗದ ಆರಂಭವನ್ನು ಸೂಚಿಸುತ್ತದೆ ಎಂದರು.
ಭಾರತದ ಬಾಲಕಿಯರ ಹ್ಯಾಂಡ್ ಬಾಲ್ ತಂಡವು ಕಳೆದ ವರ್ಷ ಜೋರ್ಡಾನ್ ನಲ್ಲಿ ಮೊದಲ ಬಾರಿಗೆ ಪ್ರತಿಷ್ಠಿತ “ಏಷ್ಯನ್ ಪ್ರೆಸಿಡೆಂಟ್ಸ್ ಕಪ್” ಪ್ರಶಸ್ತಿಯನ್ನು ಗೆದ್ದರೆ, ಭಾರತೀಯ ಬಾಲಕಿಯರ ಜೂನಿಯರ್ ಹ್ಯಾಂಡ್ ಬಾಲ್ ತಂಡವು ಏಷ್ಯನ್ ಜೂನಿಯರ್ ಬಾಲಕಿಯರ ಚಾಂಪಿಯನ್ ಷಿಪ್ ನಲ್ಲಿ ಚಿನ್ನದ ಪದಕ ಗೆಲ್ಲುವ ಮೂಲಕ ಇತಿಹಾಸ ನಿರ್ಮಿಸಿತು ಮತ್ತು ಕಳೆದ ವರ್ಷ ವಿಶ್ವ ಚಾಂಪಿಯನ್ ಷಿಪ್ ಗೆ ಅರ್ಹತೆ ಪಡೆಯಿತು.