ಶಶಿ ತರೂರ್​ ಬಿಜೆಪಿಗೆ?

ಶಶಿತರೂರ್ ಇತ್ತೀಚೆಗೆ ಯಾಕೋ ಮೋದಿ ಭಕ್ತ ಆಗ್ತಿದ್ದಾರೆ. ಪ್ರಧಾನಿ ಅಮೆರಿಕಗೆ ಹೋಗಿ, ಟ್ರಂಪ್​​ ಮೆಚ್ಚುಗೆ ಪಡೆದು ಬಂದ್ರು. ಆದರೆ, ಬಿಜೆಪಿಗರಿಗಿಂತ ಮೊದಲೇ ಶಶಿ ತರೂರ್​ ಮೋದಿಗೆ ಜೈಕಾರ ಹಾಕಿಬಿಟ್ರು.
ಇದೀಗ ಶಶಿ ತರೂರ್ ಸ್ವಪಕ್ಷೀಯರ ವಿರುದ್ಧವೇ ಕೆರಳಿದ್ದಾರೆ. ಕಾಂಗ್ರೆಸ್​ಗೆ ನಾನು ಬೇಡವಾದರೆ ಹೇಳಿಬಿಡಿ. ನನಗೆ ಬೇರೆ ಬೇರೆ ಆಯ್ಕೆಗಳಿವೆ ಎಂದಿದ್ದಾರೆ.
ಶಶಿ ತರೂರ್​ ಕೇರಳದ ಪ್ರಬಲ ರಾಜಕಾರಣಿ. ಪಕ್ಷ ಬಲಕ್ಕಿಂತ ಸ್ವಂತ ಬಲವನ್ನೇ ನಂಬಿರೋ ನಾಯಕ. ಅದೇ ಕಾರಣಕ್ಕೆ ತಿರುವನಂತಪುರದಿಂದ ನಾಲ್ಕು ಬಾರಿ ಗೆದ್ದು ಲೋಕಸಭೆ ಪ್ರವೇಶಿಸಿದ್ದಾರೆ. ಆದರೂ, ಶಶಿಗೆ ಕಾಂಗ್ರೆಸ್​ನಲ್ಲಿ ಸೂಕ್ತ ಸ್ಥಾನಮಾನವಿಲ್ಲ. ಈ ಹಿಂದೆಯೇ ಶಶಿ ತರೂರ್ ಅಕ್ಷರಶಃ ಬಂಡೆದ್ದಿದ್ರು. ಜಿ23 ನಾಯಕರಲ್ಲಿ ಶಶಿ ತರೂರ್ ಕೂಡಾ ಒಬ್ಬರು. ರಾಹುಲ್ ಗಾಂಧಿ ನಾಯಕತ್ವಕ್ಕೆ ಪರೋಕ್ಷ ವಿರೋಧಿಸಿದ್ರು. ಕೊನೆಗೆ ಗುಲಾಂ ನಬಿ ಆಜಾದ್ ಪಕ್ಷವನ್ನೇ ಬಿಟ್ರು. ಇದೀಗ ಶಶಿ ತರೂರ್​ಗೆ ಬಿಜೆಪಿ ಗಾಳ ಹಾಕಿದೆ ಎನ್ನಲಾಗ್ತಿದೆ. ಕೇರಳದಲ್ಲಿ ತರೂರ್ ನೇತೃತ್ವದಲ್ಲಿ ಮೋದಿ ಪಕ್ಷ ಕಟ್ತಾರಾ ಅನ್ನೋ ಪ್ರಶ್ನೆ ಹುಟ್ಟಿಕೊಂಡಿದೆ.