ಇನ್ಸ್ಟಾಗ್ರಾಮ್ ಗಾಗಿ (Instagram) ರೀಲ್ಸ್ ಗಳನ್ನು ಮಾಡಲು ಮದ್ಯದ ಅಮಲಿನಲ್ಲಿ ನಿಯಂತ್ರಣವಿಲ್ಲದೆ ಕಾರನ್ನು ಚಲಾಯಿಸುತ್ತಿದ್ದ ಯುವಕರು ಓರ್ವ ತಾಯಿ ಮತ್ತು ಆಕೆಯ ೧೩ ವರ್ಷದ ಮಗನನ್ನು ಡಿಕ್ಕಿ ಹೊಡೆದು ಕೊಂದ ಘಟನೆ ರಾಜಸ್ಥಾನದ ಜೈಸಲ್ಮೇರ್ ನಲ್ಲಿ ನಡೆದಿದೆ.
ನಾಲ್ಕು ಜನರಿದ್ದ ಕಾರನ್ನು ಮದ್ಯದ ಅಮಲಿನಲ್ಲಿದ್ದ ಒಬ್ಬ ವ್ಯಕ್ತಿ ಚಲಾಯಿಸುತ್ತಿದ್ದ. ಆದರೆ ಆತ ಅಪಘಾತದಲ್ಲಿ ಬಚಾವಾಗಿಬಿಟ್ಟಿದ್ದಾನೆ. ಕಾರಿನಲ್ಲಿದ್ದ ಇಬ್ಬರು ಘಟನೆಯಲ್ಲಿ ಮೃತಪಟ್ಟಿದ್ದಾರೆ. ನಾಲ್ಕನೆಯ ವ್ಯಕ್ತಿ ಕೂಡ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಈ ಘಟನೆಯಲ್ಲಿ ಒಂದು ಹಸು ಕೂಡ ಮೃತಪಟ್ಟಿದ್ದು ವರದಿಯಾಗಿದೆ.
ರೀಲ್ಸ್ ಮಾಡುವ ಚಟದಿಂದಾಗಿ ಇಂಥಾ ಅವಘಡಗಳು ಆಗಾಗ ಸಂಭವಿಸುತ್ತಿದ್ದರೂ ಸರ್ಕಾರ ಈ ಬಗ್ಗೆ ಏನೂ ಕಾನೂನು ತರುವಲ್ಲಿ ವಿಫಲವಾಗಿರುವ ಬಗ್ಗೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ.
