ಇಂದಿನಿಂದ ವೂಟ್ ನಲ್ಲಿ ಚಾರ್ಲಿ ನೋಡಿ!

ಜೂನ್​ 10ರಂದು ಬಿಡುಗಡೆ ಆಗಿದ್ದ ರಕ್ಷಿತ್ ಶೆಟ್ಟಿ ಅಭಿನಯದ ‘777 ಚಾರ್ಲಿ’ ಸಿನಿಮಾ ಈಗ 50ನೇ ದಿನದ ಹೊಸ್ತಿಲಿನಲ್ಲಿದೆ. ಬಿಡುಗಡೆ ಮುನ್ನವೇ ಪೇಯ್ಡ್​ ಪ್ರೀಮಿಯರ್​ ಮೂಲಕ. ದೆಹಲಿ, ಹೈದರಾಬಾದ್​, ಮುಂಬೈ, ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಪ್ರದರ್ಶನ ಕಂಡಿದ್ದ ಚಿತ್ರ ಇಂದಿನಿಂದ (ಜುಲೈ 29)ಕ್ಕೆ ಒಟಿಟಿಗೆ ಎಂಟ್ರಿ ನೀಡಿದೆ. ವೂಟ್​ ಸೆಲೆಕ್ಟ್​ನಲ್ಲಿ ಸಿನಿಮಾ ಪ್ರೀಮಿಯರ್ ಆಗಲಿದೆ. ಸದ್ಯಕ್ಕೆ ಕನ್ನಡ ವರ್ಷನ್​ ಮಾತ್ರ ಲಭ್ಯವಾಗಿದೆ. ಥಿಯೇಟರ್​ನಲ್ಲಿ ಮಿಸ್​ ಮಾಡಿಕೊಂಡವರು ಹಾಗು ಮನೆಯಲ್ಲೇ ಕುಳಿತು ಮತ್ತೆ ಮತ್ತೆ ನೋಡಬೇಕು ಎಂದು ಹಂಬಲಿಸುವವರಿಗೆ ಇದು ಉತ್ತಮ ಅವಕಾಶ. ರಕ್ಷಿತ್​ ಶೆಟ್ಟಿ ವೃತ್ತಿಜೀವನದ ಡಿಫರೆಂಟ್​ ಚಿತ್ರವಾಗಿ ‘777 ಚಾರ್ಲಿ’ ಹೊರಹೊಮ್ಮಿದೆ. ಕಿರಣ್​ ರಾಜ್​ ನಿರ್ದೇಶನದ ಈ ಚಿತ್ರಕ್ಕೆ ‘ಪರಂವಾ ಸ್ಟುಡಿಯೋಸ್​’ ಬಂಡವಾಳ ಹೂಡಿದೆ.