ಸ್ಯಾಂಡಲ್ ವುಡ್ ನವ ನಾಯಕಿ ವಿರುದ್ಧ ಭುಗಿಲೆದ್ದ ವಿವಾದ: ಕಾರಣವೇನು ಗೊತ್ತಾ?!

ದರ್ಶನ್ ಮತ್ತು ತರುಣ್ ಸುಧೀರ್ ಕಾಂಬಿನೇಷನ್ ನ ಸಿನಿಮಾ ಮುಹೂರ್ತ ವರಮಹಾಲಕ್ಷ್ಮಿ ಹಬ್ಬದ ದಿನ ನೆರವೇರಿದೆ. ಕನಸಿನ ರಾಣಿ ಮಾಲಾಶ್ರೀ ಮಗಳು ರಾಧನಾ ರಾಮ್ ಈ ಚಿತ್ರದ ಮೂಲಕ ನಾಯಕಿಯಾಗಿ ಸ್ಯಾಂಡಲ್ ವುಡ್ ಪ್ರವೇಶಿಸುತ್ತಿದ್ದಾರೆ. ಆದರೆ ಇದೀಗ ಮಾಲಾಶ್ರೀ ಹಾಗು ಅವರ ಪುತ್ರಿ ಸುತ್ತ ವಿವಾದ ಒಂದು ಹುಟ್ಟಿಕೊಂಡಿದೆ. ಈ ಹಿಂದೆ ಮಾಲಾಶ್ರೀ ತೆಲುಗಿನ ಕಾಮಿಡಿ ನಟ ಅಲಿ ನಡೆಸುವ ಅಲಿತೋ ಸರದಾಗ ಎಂಬ ಶೋ ನಲ್ಲಿ ಭಾಗಿಯಾಗಿದ್ದಾಗ ಅಲಿ ಮಾಲಾಶ್ರೀ ಮಗಳ ಬಗ್ಗೆ ಪ್ರಶ್ನೆ ಮಾಡುತ್ತಾರೆ. ಇದಕ್ಕೆ ಉತ್ತರಿಸಿದ ನಟಿ, ನನ್ನ ಮಗಳು ತೆಲುಗು ಚಿತ್ರರಂಗದ ಮೂಲಕವೇ ಪಾದಾರ್ಪಣೆ ಮಾಡುವುದು. ನಾನು ಕನ್ನಡ ಸಿನಿಮಾ ಮೂಲಕ ಎಂಟ್ರಿ ಕೊಟ್ಟಿರಬಹುದು. ಆದರೆ ನನ್ನ ಮಗಳು ಮಾತ್ರ ತೆಲುಗು ಸಿನಿಮಾ ಮೂಲಕವೇ ಎಂಟ್ರಿ ಕೊಡುವುದು ಎಂದಿದ್ದಾರೆ. ಅಲ್ಲದೇ ಅದಾಗಲೇ ನನ್ನ ಮಗಳು ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಡಲು ತಯಾರಿ ನಡೆಸುತ್ತಿದ್ದು ತೆಲುಗು ಮೂಲಕ ಎಂಟ್ರಿ ಕೊಟ್ಟರೆ ಹೆಚ್ಚು ಜನಕ್ಕೆ ರೀಚ್ ಆಗ್ತಾರೆ. ಇನ್ನು ನನ್ನ ಮಗಳು ಕನ್ನಡಕ್ಕಿಂತ ಹೆಚ್ಚು ತೆಲುಗು ಸಿನಿಮಾವನ್ನೇ ನೋಡುವುದು ಎಂದೂ ಹೇಳುತ್ತಾರೆ. ಇದೀಗ ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ. ಮಾಲಾಶ್ರೀ ತೆಲುಗು ಪ್ರೇಮವನ್ನು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. ಈಗ ನಿಮಗೆ ದರ್ಶನ್ ಬೇಕಾಯಿತಾ? ಅಂದು ಅಂತಹ ಹೇಳಿಕೆಯನ್ನ ಯಾಕೆ ನೀಡಿದ್ದೀರಿ? ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ