ಮಳೆ ಹಾನಿ ಪ್ರದೇಶ ವೀಕ್ಷಣೆಗೆ ಟ್ರಾಕ್ಟರ್ ಏರಿ ಬಂದ MLC

ತುಮಕೂರು: ಮಳೆಯಿಂದ ಆದ ಹಾನಿಯ ಸ್ಥಳ ವೀಕ್ಷಣೆ ಗೆ ಎಂಎಲ್ ಸಿ ರಾಜೇಂದ್ರ ಸ್ವತಃ ಟ್ರಾಕ್ಟರ್ ಚಾಲನೆ ಮಾಡಿಕೊಂಡು ಬಂದ ಪ್ರಸಂಗ ನಡೆದಿದೆ. ತುಮಕೂರು ಜಿಲ್ಲೆ ಮಧುಗಿರಿ ತಾಲೂಕಿನ ದೊಡ್ಡೇರಿಯ ಹಿರೇಕೇರಿಯ ನೀರು ಸೋರಿಕೆಯಾಗುತಿತ್ತು. ಇದನ್ನ ನೋಡಲು ಬರುವ ದಾರಿ ಸಂಪೂರ್ಣ ಕೆಸರುಮಯವಾಗಿತ್ತು. ಸ್ಥಳೀಯರು ತಂದಿದ್ದ ಟ್ರಾಕ್ಟರ್ ಪಡೆದು ಸ್ವತಃ ತಾವೇ ಚಾಲನೆ ಮಾಡಿ ಸ್ಥಳಕ್ಕೆ ಭೇಟಿ ನೀಡಿದರು. ಶೀಘ್ರವೇ ಸೋರಿಕೆ‌ ತಡೆಯಲು ಸೂಕ್ತ ಕ್ರಮವಹಿಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು. ವಿಧಾನ ಪರಿಷತ್ ಸದಸ್ಯ‌ ಆರ್.ರಾಜೇಂದ್ರ ಜೊತೆಯಾಗಿ ಬಂದಿದ್ದಕ್ಕೆ ಸ್ಥಳೀಯರು ಪುಲ್ ಖುಷ್ ಆಗಿದ್ದರು.