ತುಮಕೂರು : ಮೂರು ಸಾವಿರ ರೂ. ಆಸೆಗೆ ಭ್ರಷ್ಟಾಚಾರ ನಿಗ್ರಹದ ದಳದ ಬಲೆಗೆ ಎಫ್ಡಿಎ ಬಿದ್ದಿದ್ದಾನೆ. ತುಮಕೂರು ಜಿಲ್ಲೆ ಮಧುಗಿರಿ ಎಸಿ ಕಚೇರಿಯ ಎಫ್ ಡಿಎ ಮೋಹನ್ ಕುಮಾರ್ ಬಲೆಗೆ ಬಿದ್ದ ಆಸಾಮಿ. ತಂದೆಯ ಹೆಸರಿಗೆ ನ್ಯಾಯಾಲಯದ ಆದೇಶದಂತೆ ಖಾತೆ ಮಾಡಿಕೊಡುವಂತೆ ಶಿರಾ ತಹಶೀಲ್ದಾರ್ ಗೆ ಮನವಿ ಸಲ್ಲಿಸಿದ್ದರು. ತಾಲೂಕಿನ ಬುಕ್ಕಾಪಟ್ಟಣ ವಾಸಿ. ಕಡತವನ್ನು ಮಧುಗಿರಿ ಎಸಿ ಕಚೇರಿಗೆ ಕಳುಹಿಸಲಾಗಿತ್ತು. ಅಲ್ಲಿ ಮೋಹನ್ ಕುಮಾರ್ ಅರ್ಜಿದಾರರಿಂದ ಮೂರು ಸಾವಿರ ಲಂಚಕ್ಕೆ ಬೇಡಿಕೆ ಇಟ್ಟಿದ್ದರು. ಮಧುಗಿರಿ ಸಿವಿಲ್ ಬಸ್ ನಿಲ್ದಾಣದ ಟೀ ಅಂಗಡಿಯಲ್ಲಿ ಮೂರು ಸಾವಿರ ಹಣ ಸ್ವೀಕರಿಸುವಾಗ ಹಣದ ಸಮೇತ ಎಸಿಬಿ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ತುಮಕೂರು ಎಸಿಬಿ ಡಿ.ವೈಎಸ್ಪಿ ಮಲ್ಲಿಕಾರ್ಜುನ ಚುಕ್ಕಿ ನೇತೃತ್ವದಲ್ಲಿ ದಾಳಿ ನಡೆಸಿದರು. ಸಿಪಿಐ ವೀರೇಂದ್ರ ಎನ್ ಹಾಗೂ ವಿಜಯಲಕ್ಷ್ಮಿ ಸಿಬ್ಬಂದಿಗಳು ದಾಳಿಯಲ್ಲಿ ಭಾಗಿವಹಿಸಿದ್ದರು.
