ಕೋಲಾರ : ತಾಲ್ಲೂಕಿನ ನರಸಾಪುರ ರೇಷ್ಮೆ ಬೆಳೆಗಾರರು ಹಾಗೂ ರೈತರ ಸೇವಾ ಸಹಕಾರ ಸಂಘದಲ್ಲಿ ರಾತ್ರಿ ಕಳ್ಳತನ ನಡೆದಿದ್ದು ಬೀರುವಿನಲ್ಲಿದ್ದ ಮಹತ್ವದ ದಾಖಲೆಗಳು ನಾಪತ್ತೆಯಾಗಿದೆ.
ಕಳೆದ ರಾತ್ರಿ ಸಂಘದ ಬೀಗ ಮುರಿದು ದಾಖಲೆಗಳನ್ನ ಮಾತ್ರ ಕದ್ದೊಯ್ದಿದ್ದಾರೆನ್ನಲಾಗಿದೆ.
ಇತ್ತೀಚಿಗೆ ಸೊಸೈಟಿಯಲ್ಲಿ ಭಾರೀ ಅವ್ಯವಹಾರ ಭ್ರಷ್ಟಾಚಾರ ನಡೆಯುತ್ತಿದೆಯೆಂಬ ಸುದ್ದಿ ಕೇಳಿ ಬಂದಿತ್ತು. ಇದರ ಬೆನ್ನಲ್ಲೇ ಸೊಸೈಟಿಯಲ್ಲಿ ದಾಖಲೆಗಳ ಕಳ್ಳತನ ನಡೆದಿರುವುದು ಹಲವಾರು ಸಂಶಯಗಳನ್ನು ಹುಟ್ಟು ಹಾಕಿದೆ.
ಅತಿ ಚಾಣಕ್ಯ ತನದಿಂದ ದಾಖಲೆಗಳ ಲಪಟಾಯಿಸಿರುವ ಕಳ್ಳರು ದಾಖಲೆಗಳ ಜೊತೆಗೆ ಯಾವುದೇ ಸುಳಿವು ಸಿಗಬಾರದೆಂಬ ಈದ್ದೇಶದಿಂದ ಸಿಸಿಟಿವಿ ಕ್ಯಾಮರಾ ಡಿವಿಆರ್ ನ್ನೂ ಸಹ ಕದ್ದೊಯ್ದಿದ್ದಾರೆನ್ನಲಾಗಿದ್ದು ವೇಮಗಲ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
