ನವದೆಹಲಿ: ಭಾರತೀಯ ಸ್ಟಾರ್ಟ್‌ಅಪ್ ಕ್ಷೇತ್ರ ತೀವ್ರ ಹಿನ್ನಡೆ ಸಾಧಿಸಿದ್ದು, ಕಳೆದ ಏಪ್ರಿಲ್‌ನಲ್ಲಿ ಕೇವಲ $1.6 ಶತಕೋಟಿ ಸಂಗ್ರಹಿಸಿವೆ. ಈ ಮೊತ್ತ ಕಳೆದ ವರ್ಷ ಇದೇ ಅವಧಿಯಲ್ಲಿ ಸಂಗ್ರಹಿಸಿದ ಬಂಡವಾಳದ ಅರ್ಧದಷ್ಟು ಎಂದು IV CA-EY ನ ಇತ್ತೀಚಿನ ವರದಿ ಹೇಳಿದೆ. Verse ಇನ್ನೋವೇಶನ್ ಡೈಲಿಹಂಟ್ ಮತ್ತು ಜೋಶ್‌ನ ಮೂಲ ಕಂಪನಿ ಕಳೆದ ತಿಂಗಳು ಅತಿ ಹೆಚ್ಚು ಹಣವನ್ನು ಸಂಗ್ರಹಿಸಿವೆ. ಭಾರತೀಯ ಸ್ಟಾರ್ಟ್‌ಅಪ್ ಉದ್ಯಮ ಈಗ ಆಶಾದಾಯಕವಾಗಿಲ್ಲ. ಕೋವಿಡ್ 19 ಸಮಯದಲ್ಲಿ ಪ್ರವರ್ಧಮಾನಕ್ಕೆ ಬಂದ ಸ್ಟಾರ್ಟ್ ಅಪ್‌ಗಳು ಈಗ ರಷ್ಯಾ-ಉಕ್ರೇನ್ ಯುದ್ಧದ ತೀವ್ರತೆಯನ್ನು ಎದುರಿಸುತ್ತಿವೆ. ಈ ಪರಿಸ್ಥಿತಿ ಬಂಡವಾಳ ಸಂಗ್ರಹ ಕಾರ್ಯಕ್ಕೆ ಹಿನ್ನಡೆಯನ್ನುಂಟುಮಾಡಿದೆ.
ಏಪ್ರಿಲ್ 2022ರಲ್ಲಿ ಯಾವುದೇ ಭಾರತೀಯ ಸ್ಟಾರ್ಟ್‌ಅಪ್ ಬಿಲಿಯನ್ ಡಾಲರ್ ಯುನಿಕಾರ್ನ್ ಸ್ಥಾನಮಾನವನ್ನು ಸಾಧಿಸಿಲ್ಲ. 2022ರ ಮೊದಲ ತ್ರೈಮಾಸಿಕದಲ್ಲಿ ನಿಗದಿಪಡಿಸಿದ ವೇಗವನ್ನು ಗಮನಿಸಿದರೆ ಸಾಕಷ್ಟು ಆಘಾತಕಾರಿಯಾಗಿದೆ ಎಂದು ಸ್ಟಾರ್ಟ್ ಅಪ್ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.
ಯುನಿಕಾರ್ನ್ ರಚನೆಯಲ್ಲಿನ ನಿಧಾನಗತಿಯು ಮುಂದಿನ ಎರಡು ತಿಂಗಳವರೆಗೆ ಇರಬಹುದು ಎಂದು ಅಭಿಪ್ರಾಯಪಡಲಾಗಿದೆ. ಭಾರತೀಯ ಸ್ಟಾರ್ಟ್‌ಅಪ್‌ಗಳು ಪ್ರಸ್ತುತ ಹೂಡಿಕೆದಾರರಿಂದ ಲಾಭದಾಯಕತೆಯ ಮೇಲೆ ಕೇಂದ್ರೀಕರಿಸಲು ಒತ್ತಡವನ್ನು ಎದುರಿಸುತ್ತಿವೆ ಎಂದು ಉದ್ಯಮಿ ಗೌರವ್ ವಿಕೆ ಸಿಂಘ್ವಿ ಅಭಿಪ್ರಾಯಪಟ್ಟಿದ್ದಾರೆ.
ಆದರೆ, ಇದು ಕೇವಲ ಒಂದು ಸಣ್ಣ ಕುಸಿತವಾಗಿದೆ ಎಂದು ಹಲವು ತಜ್ಞರು ಹೇಳಿದ್ದಾರೆ. ಯುನಿಕಾರ್ನ್ ಸ್ಥಾನಮಾನವನ್ನು ಸಾಧಿಸುವ ಸ್ಟಾರ್ಟ್‌ಅಪ್‌ಗಳಲ್ಲಿ ಸ್ಪಷ್ಟವಾದ ನಿಧಾನಗತಿಯು ಕೇವಲ ಸ್ಪೀಡ್ ಬ್ರೇಕರ್ ಆಗಿದೆ” ಎಂದು ಇಂಡಿಯನ್ ಏಂಜಲ್ ನೆಟ್‌ವರ್ಕ್‌ನಲ್ಲಿ ಹೂಡಿಕೆ ವೃತ್ತಿಪರರಾದ ಶಹನ್ ಸುದ್ ಹೇಳಿದ್ದಾರೆ.
ಡೀಲ್‌ಗಳು ಇನ್ನೂ ನಡೆಯುತ್ತಿರಬಹುದು. ಆದರೆ ಸದ್ಯಕ್ಕೆ ಔಪಚಾರಿಕವಾಗಿ ಘೋಷಿಸಲಾಗುತ್ತಿಲ್ಲ ಎಂದು ಸಕ್ಸೀಡ್ ಇಂಡೋವೇಷನ್ ಫಂಡ್‌ನ ವ್ಯವಸ್ಥಾಪಕ ಪಾಲುದಾರ ವಿಕ್ರಾಂತ್ ವರ್ಷ್ನಿ ತಿಳಿಸಿದ್ದಾರೆ.
