ತುಮಕೂರು : ಪ್ರಕರಣ-1; ಬಿ.ಸಿ ಲೋಕೇಶ್ ಎಂಬ 47 ವರ್ಷದ ವ್ಯಕ್ತಿಯು ಕೆಸರಮಡು ಗ್ರಾಮದ ತನ್ನ ಮನೆಯಿಂದ ಜನವರಿ 18, 2022ರಿಂದ ಕಾಣೆಯಾಗಿದ್ದಾನೆ. ಈತನು 5.5 ಅಡಿ ಎತ್ತರ ದೃಢಕಾಯ ಶರೀರ, ದುಂಡುಮುಖ ಹೊಂದಿದ್ದು, ಮನೆಯಿಂದ ಹೋಗುವಾಗ ಪಿಂಕ್ ಟೀ-ಷರ್ಟ್, ಬ್ರೌನ್ ಪ್ಯಾಂಟ್ ಧರಿಸಿದ್ದನು.
ಪ್ರಕರಣ-2; ಲಲಿತ ಎಂಬ 32 ವರ್ಷದ ಮಹಿಳೆಯು ಊರ್ಡಿಗೆರೆ ಹೋಬಳಿ ಮಾರನಾಯಕನಹಳ್ಳಿ ಗ್ರಾಮದ ತನ್ನ ಮನೆಯಿಂದ ಆಗಸ್ಟ್ 10ರಂದು ಬೆಳಿಗ್ಗೆ 9.45 ಗಂಟೆ ಸಮಯದಲ್ಲಿ ಕ್ಯಾತ್ಸಂದ್ರದ ಟೈಲರ್ ಅಂಗಡಿಗೆ ಹೋಗಿ ಬರುತ್ತೇನೆಂದು ಹೋದವಳು ಮರಳಿ ಬಂದಿರುವುದಿಲ್ಲ. ಈಕೆಯು 5.2 ಅಡಿ ಎತ್ತರ, ಸಾಧಾರಣ ಶರೀರ, ಕೋಲುಮುಖ, ಗೋಧಿ ಬಣ್ಣ ಹೊಂದಿದ್ದು, ಬೌದ್ಧಿಕ ಮಟ್ಟ ಕಡಿಮೆ ಇರುತ್ತದೆ. ಈಕೆಯು ಮನೆಯಿಂದ ಹೋಗುವಾಗ ಕೆಂಪು ಬಣ್ಣದ ಚೂಡಿದಾರ್ ಧರಿಸಿದ್ದಳು.
ಕಾಣೆಯಾದ ಇವರ ಬಗ್ಗೆ ಸುಳಿವು ಸಿಕ್ಕವರು ಕೂಡಲೇ ದೂ.ವಾ.ಸಂ. 0816-2281124, 2281120, 2278000, ಮೊ.ಸಂ. 9480802952, 9480802933ನ್ನು ಸಂಪರ್ಕಿಸಬೇಕೆಂದು ಅವರು ಮನವಿ ಮಾಡಿದ್ದಾರೆ.