ದಾಯಾದಿ ಕಲಹಕ್ಕೆ ಬಲಿ

ಮೈಸೂರು,ಮೇ. 26– ದಾಯಾದಿಗಳ ಕಲಹ ಕೊಲೆಯಲ್ಲಿ ಅಂತ್ಯವಾದ ಘಟನೆ ಜಯಪುರ ಹೋಬಳಿಯ ಕರಡಿಮರಯ್ಯನಹುಂಡಿಯಲ್ಲಿ ನಡೆದಿದೆ. ಕರಡಿಮರಯ್ಯನಹುಂಡಿಯ ನಂಜುಂಡ (54) ಕೊಲೆಯಾದವರು. ಆಸ್ತಿ ವಿಚಾರಕ್ಕೆ ನಂಜುಂಡ ಹಾಗೂ ಸಂಬಂಧಿಕರ ನಡುವೆ ನಿನ್ನ ಸಂಜೆ
ಗಲಾಟೆ ನಡೆದಿದ್ದು, ಗಲಾಟೆ ವಿಕೋಪಕ್ಕೆ ತಿರುಗಿ ಶಿವಣ್ಣ ಹಾಗೂ ಕೃಷ್ಣ ಎನ್ನುವವರು ನಂಜುಂಡಗೆ ಚಾಕುವಿನಿಂದ ಇರಿದಿದ್ದಾರೆ. ಗಂಭೀರವಾಗಿ ಗಾಯಗೊಂಡಿದ್ದ ನಂಜುಂಡರನ್ನು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಿಸಿದೆ ಸಾವನ್ನಪ್ಪಿದ್ದಾರೆ.
ಘಟನೆ ಸಂಬಂಧ ಮೈಸೂರಿನ ದಕ್ಷಿಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಗಳಾದ ಶಿವಣ್ಣ ಹಾಗೂ ಕೃಷ್ಣನನ್ನು ಬಂಧಿಸಿ ಹೆಚ್ಚಿನ ತನಿಖೆಯನ್ನು ಕೈಗೊಳ್ಳಲಾಗಿದೆ.