Bengaluru
ಕರ್ನಾಟಕದ ಅತ್ಯಂತ ಜನಪ್ರಿಯ ಮತ್ತು ಮುಂಚೂಣಿಯಲ್ಲಿರುವ ಸುದ್ದಿ ವಾಹಿನಿಗಳಲ್ಲಿ ಒಂದಾದ ಟಿವಿ 9.ಕ್ಷಣ ಕ್ಷಣದ ಮಾಹಿತಿ” ಎಂಬ ಟ್ಯಾಗ್ಲೈನ್ನೊಂದಿಗೆ ಕಾರ್ಯನಿರ್ವಹಿಸುವ ಈ ಚಾನೆಲ್, ರಾಜ್ಯದಾದ್ಯಂತ ದೊಡ್ಡ ಮಟ್ಟದ ವೀಕ್ಷಕರನ್ನು ಹೊಂದಿದೆ.
ಆದರೆ ಇತ್ತೀಚೆಗೆ ಒಂದೇ ಸುದ್ದಿಯನ್ನು ದಿನವಿಡೀ ಅತಿಯಾಗಿ ವೈಭವೀಕರಿಸುವುದು ಅಥವಾ ‘ಬ್ರೇಕಿಂಗ್ ನ್ಯೂಸ್’ ಹೆಸರಿನಲ್ಲಿ ಅಬ್ಬರದ ಸಂಗೀತ ಬಳಸುವುದು ಕೆಲವು ವೀಕ್ಷಕರಿಗೆ ಬೇಸರ ತಂದಿರಬಹುದು. ಯಾವುದೇ ಹೊಸತನವಿಲ್ಲದೆ ಏಕತಾನತೆಯ ಸುದ್ದಿಗಳು ಹಾಗೂ ಕಾರ್ಯಕ್ರಮಗಳಿಂದ ಬೇಸರಗೊಂಡಿರುವ ವೀಕ್ಷಕರು ಟಿವಿ9 ವಾಹಿನಿಯ ವೀಕ್ಷಣೆಯಿಂದ ಬಿಮುಖರಾಗುತ್ತಿದ್ದಾರೆ.
ವೀಕ್ಷಕರು ಈಗ ಹೆಚ್ಚು ಗಂಭೀರ ಮತ್ತು ವಿಶ್ಲೇಷಣಾತ್ಮಕ ಸುದ್ದಿಗಳನ್ನು ಬಯಸುತ್ತಿದ್ದಾರೆ ಎನ್ನುತ್ತದೆ ಕೆಲವು ಅಧ್ಯಯನದ ವರದಿಗಳು ಇದರ ಪರಿಣಾಮವಾಗಿ ಟಿವಿ9 ಆರಂಭವಾದಾಗಿನಿಂದ ಇಲ್ಲಿಯವರೆಗೆ ಕಾಯುವುದುಕೊಂಡಿದ್ದ ನಂಬರ್ ಒನ್ ಎಂಬ ಸ್ಥಾನವನ್ನು ಕಳೆದುಕೊಂಡಿದೆ.
ಈ ವಾರದ ಟಿವಿ ರೇಟಿಂಗ್ ಪಾಯಿಂಟ್ ಪ್ರಕಟಗೊಂಡಿದ್ದು ಟಿವಿ 9 ವಾಹಿನಿಯನ್ನು ಹಿಂದಿಕ್ಕಿ ಪಬ್ಲಿಕ್ ಟಿವಿ ಮೊದಲ ಸ್ಥಾನಕ್ಕೆ ಜಿಗಿದಿದೆ.
ಟಿವಿ 9 ಈ ವಾರ 71 ಅಂಕಗಳನ್ನು ಪಡೆದುಕೊಂಡು ಎರಡನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದ್ದರೆ 73 ಅಂಕಗಳನ್ನು ಪಡೆದುಕೊಂಡಿರುವ ಪಬ್ಲಿಕ್ ಟಿವಿ ಮೊದಲ ಸ್ಥಾನಕ್ಕೆ ಜಿಗಿದಿದೆ 68 ಅಂಕಗಳೊಂದಿಗೆ ಟಿವಿ18 ಮೂರನೇ ಸ್ಥಾನದಲ್ಲಿದೆ.
ಇದು ಈ ವಾರದ ರೇಟಿಂಗ್ ಪಾಯಿಂಟ್ ಆಗಿದೆ ಆದರೆ ಒಟ್ಟಾರೆ ಕನ್ನಡದ ಸುದ್ದಿ ವಾಹಿನಿಗಳ ರೇಟಿಂಗ್ ಅನ್ನು ಗಮನಿಸಿದಾಗ ದೀನದಿಂದ ದಿನಕ್ಕೆ ಇವುಗಳ ವೀಕ್ಷಕರ ಸಂಖ್ಯೆ ದೊಡ್ಡ ಪ್ರಮಾಣದಲ್ಲಿ ಕುಸಿಯುತ್ತಾ ಸಾಗುತ್ತಿದೆ.
ಈ ವಾರದ ಲೆಕ್ಕಾಚಾರದ ಪ್ರಕಾರ ಕನ್ನಡದ ಎಲ್ಲಾ ಸುದ್ದಿ ವಾಹಿನಿಗಳ ವೀಕ್ಷಕರ ಪಾಯಿಂಟ್ ಕೇವಲ 321 ಅಂಕಗಳಾಗಿವೆ. ಈ ಮೊದಲು ಕೇವಲ ಒಂದು ವಾಹಿನಿಯ ಈ ಪ್ರಮಾಣದ ಅಂಕಗಳನ್ನು ಪಡೆದುಕೊಂಡಿರುತಿತ್ತು. ಸುದ್ದಿ ವಾಹಿನಿಗಳಲ್ಲಿ ಬಿತ್ತರವಾಗುತ್ತಿರುವ ಸುದ್ದಿಗಳಲ್ಲಿ ಹೊಸತನವಿಲ್ಲ ಹಾಗೂ ಏಕತಾನತೆಯಿಂದ ಕೂಡಿರುತ್ತವೆ ಅತಿರಂಜಿತ ವರದಿಗಳು ತುಂಬಿರುತ್ತವೆ ಎಂಬ ಕಾರಣಕ್ಕೆ ವೀಕ್ಷಕರು ಟಿವಿ ವಾಹಿನಿಗಳನ್ನು ವೀಕ್ಷಿಸುವ ಬದಲಿಗೆ ಸಾಮಾಜಿಕ ಜಾಲತಾಣಗಳು ಮತ್ತು ಮುದ್ರಣ ಮಾಧ್ಯಮದತ್ತ ಹೊರಳುತ್ತಿದ್ದಾರೆ ಎನ್ನುತ್ತವೆ ಕೆಲವು ಅಂಕಿ ಅಂಶಗಳು.
