ಆಯೂಬ್ ಖಾನ್ ಕೊಲೆಗೆ ಮಸೀದಿ ಅಧ್ಯಕ್ಷ ಪಟ್ಟವೇ ಕಾರಣ ಎನ್ನುವುದು ಬಯಲಾಗಿದೆ. ಆಯೂಬ್ ಕೆಲ ವರ್ಷಗಳಿಂದ ಟಿಪ್ಪು ನಗರದ ಖುದಾಯತ್ ಮಸೀದಿಗೆ ಅಧ್ಯಕ್ಷನಾಗಿದ್ದ. ಆದರೆ, ಇದೇ ಅಧ್ಯಕ್ಷ ಸ್ಥಾನಕ್ಕೆ ಆಯೂಬ್ ಖಾನ್ ಸಹೋದರನ ಮಗ ಮಥೀನ್ ಖಾನ್ ಕೂಡ ಹಂಬಲಿಸುತ್ತಿದ್ದ. ಅನೇಕ ಬಾರಿ ಚಿಕ್ಪಪ್ಪ ಅಯೂಬ್ ಖಾನ್ ಗೆ ಸ್ಥಾನವನ್ನು ಬಿಟ್ಟು ಕೊಡುವಂತೆಯೂ ಮನವಿ ಮಾಡಿದ್ದ. ಆದರೆ ಆಯೂಬ್ ಖಾನ್ ಇದಕ್ಕೆ ಸೊಪ್ಪು ಹಾಕಿರಲಿಲ್ಲ. ಹಾಗಾಗಿ ಕಳೆದ 6 ತಿಂಗಳಿನಿಂದ ಅವರ ಮಧ್ಯೆ ವಾದ-ವಿವಾದ, ಜಗಳ ನಡೆದೇ ಇತ್ತು. ನಿನ್ನೆ ರಾತ್ರಿ ಮಿತಿ ಮೀರಿದ ಜಗಳ, ಆಯೂಬ್ ಖಾನ್ ನಮಾಜ್ ಮುಗಿಸಿ ಮನೆಗೆ ತೆರಳುವ ವೇಳೆ ಚಾಕುವಿನಿಂದ ಹೊಟ್ಟೆಗೆ, ಮರ್ಮಾಂಗಕ್ಕ ಇರಿದು ಚೆನ್ನಾಗಿ ಥಳಿಸಿದ್ದಾನೆ. ಸತತವಾಗಿ ರಕ್ತಸ್ರಾವವಾದ ಕಾರಣ ಚಿಕಿತ್ಸೆ ಫಲಾಕಾರಿಯಾಗದೆ ಆಯೂಬ್ ಸಾವನ್ನಪ್ಪಿದ್ದಾರೆ.
ಮಸೀದಿ ಅಧ್ಯಕ್ಷ ಸ್ಥಾನಕ್ಕೆ ಕಿತ್ತಾಟ : ಮಾಜಿ ಕಾರ್ಪೋರೇಟರ್ ಪತಿಯ ಸಾವಿನ ಹಿಂದಿನ ರಹಸ್ಯ ಲೀಕ್
