ಹೆಚ್ಚುವರಿ ಭೂಮಿಯನ್ನು ಸಂಗ್ರಹಿಸುವ ಗುರಿಯೊಂದಿಗೆ, ಸರ್ಕಾರವು ಅಧಿಕ ಭೂ ಸಂಪನ್ಮೂಲ ಹೊಂದಿರುವ ಸಾರ್ವಜನಿಕ ವಲಯದ ಉದ್ಯಮಗಳನ್ನು (ಪಿಎಸ್ಯು) ಗುರುತಿಸುತ್ತಿದೆ. ಉತ್ಪಾದಕತೆ ಮತ್ತು ಹೆಚ್ಚು ವ್ಯವಹಾರ ವಿಲ್ಲದ ಇಂತಹ ಉದ್ಯಮಗಳಿಂದ ಯಾವುದೇ ಪ್ರಯೋಜನವಿಲ್ಲದಿರುವುದರಿಂದ ಇಂಥಾ ಕಂಪನಿಗಳ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳುವುದಕ್ಕೆ ಸರ್ಕಾರ ಮುಂದೆ ಬಂದಿದೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ. ಇದಕ್ಕಾಗಿ, ಸರ್ಕಾರವು ಸಂಪೂರ್ಣ ಸ್ವಾಮ್ಯದ ಸಂಸ್ಥೆಯಾದ ನ್ಯಾಷನಲ್ ಲ್ಯಾಂಡ್ ಮಾನಿಟೈಸೇಶನ್ ಕಾರ್ಪೊರೇಷನ್ (NLMC) ಎಂಬ ವಿಶೇಷ ಉದ್ದೇಶದ ವಾಹನವನ್ನು (SPV) ಸ್ಥಾಪಿಸಿದೆ.
ಹೆಮಿಸ್ಪಿಯರ್ ಪ್ರಾಪರ್ಟೀಸ್, ಉದಾಹರಣೆಗೆ, ಹಿಂದಿನ VSNL (ಈಗ ಟಾಟಾ ಕಮ್ಯುನಿಕೇಷನ್ಸ್) ನ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಸ್ಥಾಪಿಸಲಾದ ಪಟ್ಟಿಮಾಡಿದ ಸಂಸ್ಥೆಗಳಲ್ಲಿ ಒಂದಾದಾಗಿದೆ. ಇದು ಗಣನೀಯ ಪ್ರಮಾಣದ ಲ್ಯಾಂಡ್ ಬ್ಯಾಂಕ್ ಅನ್ನು ಹೊಂದಿದೆ ಎಂದು ಭಾವಿಸಲಾದ ಉದ್ಯಮಗಳಲ್ಲಿ ಒಂದಾಗಿದೆ.
ಕೆಲವು ಸಚಿವಾಲಯಗಳಿಂದ ಆಕ್ಷೇಪಣೆ ಬಂದ ಪರಿಣಾಮವಾಗಿ ಈ ಕಂಪನಿಯ ಭವಿಷ್ಯದ ಬಗ್ಗೆ ಅಂತಿಮ ನಿರ್ಧಾರವನ್ನು ಮಾಡಲಾಗಿಲ್ಲ ಎಂದು ಮೂಲಗಳು ತಿಳಿಸಿವೆ. ಹಲವಾರು ರೀತಿಯ ಕಂಪನಿಗಳು ದೊಡ್ಡ ಪ್ರಮಾಣದ ಭೂಮಿಯ ಮೇಲೆ ಕುಳಿತಿವೆ ಮತ್ತು ಇತ್ತೀಚೆಗೆ ಸ್ಥಾಪಿತವಾದ SPV ಗೆ ಭೂಮಿಯನ್ನು ವರ್ಗಾಯಿಸಿದ ನಂತರ ಖಾಸಗೀಕರಣ ಅಥವಾ ಮಾರಾಟಕ್ಕೆ ತೆಗೆದುಕೊಳ್ಳಲು ಸೂಕ್ತ ಮಾರ್ಗಗಳನ್ನು ಹುಡುಕುಲಾಗುತ್ತದೆ ಎನ್ನಲಾಗಿದೆ.
ಕೇಂದ್ರವು ತನ್ನ ಆಸ್ತಿಯನ್ನು ನಗದಾಗಿ ಪರಿವರ್ತಿಸುವ ಕಾರ್ಯಕ್ರಮವನ್ನು ಮುಂದುವರಿಸಲು ಉತ್ಸುಕವಾಗಿರುವ ಸಮಯದಲ್ಲಿ ಈ ಕ್ರಮವನ್ನು ಕೈಗೊಳ್ಳಲಾಗಿದೆ, ಇದು ಇತ್ತೀಚೆಗೆ ನಿಧಾನಗೊಂಡಿತ್ತು, ಅದರಲ್ಲೂ ವಿಶೇಷವಾಗಿ ರೈಲ್ವೆ ಇಪಿಸಿ ಮಾರ್ಗದ ಮೂಲಕ ರೈಲು ನಿಲ್ದಾಣಗಳನ್ನು ಆಧುನೀಕರಿಸುವಂತಹ ಹಲವಾರು ಯೋಜನೆಗಳನ್ನು ಕೈಗೆತ್ತಿಕೊಂಡು ಅದರೊಂದಿಗೆ ರೈಲುಗಳನ್ನು ನಿರ್ವಹಿಸಲು ಖಾಸಗಿ ಪಾಲುದಾರರನ್ನು ಸೇರಿಸಿಕೊಳ್ಳುವ ಪ್ರಕ್ರಿಯೆಯನ್ನು ಕೈಬಿಟ್ಟಿದ್ದು ಇದಕ್ಕೆ ಕಾರಣವಾಗಿತ್ತು.
ಆಸ್ತಿ ನಗದೀಕರಣದ ಮೂಲಕ ಕಳೆದ ವರ್ಷ 96,000 ಕೋಟಿ ರೂ.ಗಳನ್ನು ಸಂಗ್ರಹಿಸಿದ ನಂತರ, 88,000 ಕೋಟಿ ರೂ. ಗುರಿಗೆ ವಿರುದ್ಧವಾಗಿ ಪ್ರಸಕ್ತ ಹಣಕಾಸು ವರ್ಷದಲ್ಲಿ 1.6 ಲಕ್ಷ ಕೋಟಿ ಆಸ್ತಿ ಹಣಗಳಿಸುವ ಗುರಿಯನ್ನು ಸರ್ಕಾರ ಹೊಂದಿದೆ. ಕಂಪನಿಯ ಸಂಯೋಜನೆಯ ನಂತರ ಅಗತ್ಯ ಅನುಷ್ಠಾನಗಳಾಗದ ಕಾರಣದಿಂದಾಗಿ ಸರ್ಕಾರ NLMC ಯಲ್ಲಿ ಲಭ್ಯವಿರುವ ಅಗಾಧವಾದ ಭೂ ಮಿಯಾ ಮೂಲಕ ಹಣಗಳಿಸುವ ಪ್ರಯತ್ನವನ್ನು ಮುಂದುವರೆಸಲು ಕೊಂಚ ಹಿಂಜರಿಯುತ್ತಿದೆ ಎಂದು ಗ್ರಹಿಸಲಾಗಿದೆ.
