ಜನ ಕನ್ನಡ ನ್ಯೂಸ್ ಚಾನಲ್ ನೋಡ್ತಾ ಇಲ್ಲ

ಬೆಂಗಳೂರು.
ಸಾಮಾಜಿಕ ಜಾಲತಾಣಗಳು ಹೆಚ್ಚು ಪ್ರಭಾವಿಯಾದ ನಂತರ ಟಿವಿ ನೋಡುವವರ ಸಂಖ್ಯೆ ದೊಡ್ಡ ಪ್ರಮಾಣದಲ್ಲಿ ಕಡಿಮೆಯಾಗುತ್ತಾ ಸಾಗಿದೆ ಅದರಲ್ಲೂ ಸುದ್ದಿ ವಾಹಿನಿಗಳನ್ನು ನೋಡುವ ಸಂಖ್ಯೆ ಇನ್ನಷ್ಟು ಇಳಿಮುಖವಾಗಿದೆ ಕನ್ನಡದ ಸುದ್ದಿ ವಾಹಿನಿಗಳ ನೋಡುಗರ ಪ್ರಮಾಣವಂತೂ ಗಣನೀಯವಾಗಿ ಕುಸಿತಗೊಂಡಿದೆ.
ಅದರಲ್ಲಿ ಈ ವರ್ಷದ 50 ನೇ ವಾರದ ಬಾರ್ಕ್ ರೇಟಿಂಗ್ ಪ್ರಕಟಗೊಂಡಿದೆ. ಇದರಲ್ಲಿ ಎಂದಿನಂತೆ ಟಿವಿ9 ಅಗ್ರಸ್ಥಾನದಲ್ಲಿ ಮುಂದುವರೆದಿದೆ.
ಕಳೆದ ಕೆಲವು ವಾರಗಳಿಂದ ದೊಡ್ಡ ಪ್ರಮಾಣದಲ್ಲಿ ರದ್ದು ಮಾಡುತ್ತಿರುವ ನ್ಯೂಸ್ 18 ಮತ್ತೆ ಎರಡನೇ ಸ್ಥಾನದಲ್ಲಿ ಮುಂದುವರೆದಿದೆ ಇಲ್ಲಿಯವರೆಗೆ ಎರಡನೇ ಸ್ಥಾನದಲ್ಲಿ ವಿರಾಜಮಾನವಾಗಿದ್ದ ಪಬ್ಲಿಕ್ ಟಿವಿ 66 ಅಂಕಗಳೊಂದಿಗೆ ಮೂರನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದ್ದರೆ ನ್ಯೂಸ್ 18 ಒಟ್ಟು 76 ಅಂಕಗಳೊಂದಿಗೆ ಎರಡನೇ ಸ್ಥಾನದಲ್ಲಿದೆ ಮೊದಲ ಸ್ಥಾನದಲ್ಲಿರುವ ಟಿವಿ9 ಒಟ್ಟು 82 ಅಂಕಗಳನ್ನು ದಾಖಲಿಸಿದೆ.
ಇತ್ತೀಚಿನ ದಿನಗಳಲ್ಲಿ ಯಾವುದೇ ಆರ್ಭಟವಿಲ್ಲದೆ ಅತಿರೇಕದ ಸುದ್ದಿಗಳಿಲ್ಲದೆ ನ್ಯೂಸ್ 18 ಜನರ ಗಮನ ಸೆಳೆಯುತ್ತಿದೆ. ಮೇಲಾಗಿ ನೆಟ್ವರ್ಕ್ ಕೇಬಲ್ ಜಾಲದ ಮೇಲೆ ಹೊಂದಿರುವ ಹಿಡಿತದ ಪರಿಣಾಮವಾಗಿ ಪ್ರೈಮ್ ಬ್ಯಾಂಡ್ ನಲ್ಲಿ ಚಾನೆಲ್ ನೋಡುಗರಿಗೆ ಲಭ್ಯವಿದೆ ಇದರ ಪರಿಣಾಮ ಇದರ ವೀಕ್ಷಕರ ಸಂಖ್ಯೆ ಹೆಚ್ಚುತ್ತಾ ಸಾಗಿದೆ. ಒಟ್ಟಾರೆ ಕನ್ನಡ ಸುದ್ದಿ ಚಾನೆಲ್ ಗಳು ವೀಕ್ಷಕರ ಸಂಖ್ಯೆ ಬಾರ್ಕ್ ಪಟ್ಟಿಯಲ್ಲಿರುವ 10 ಕನ್ನಡ ಸುದ್ದಿ ವಾಹಿನಿಗಳ ಒಟ್ಟಾರೆ ವೀಕ್ಷಕರ ಪ್ರಮಾಣ 332 ಅಂಕಗಳು ಎನ್ನುವುದು ಗಮನಾರ್ಹ.
ಈ ಮೊದಲು ಸುದ್ದಿ ವಾಹಿನಿಗಳ ಒಟ್ಟಾರೆ ವೀಕ್ಷಕರ ಸಂಖ್ಯೆ ದೊಡ್ಡ ಪ್ರಮಾಣದಲ್ಲಿ ಇರುತ್ತಿತ್ತು ಮೊದಲ ಸ್ಥಾನದಲ್ಲಿದ್ದ ಟಿವಿ ನೈನ್ ಒಟ್ಟು ವೀಕ್ಷಕರ ಸಂಖ್ಯೆಯಲ್ಲಿ 200ರ ಆಸುಪಾಸಿನಲ್ಲಿ ಇದ್ದರೆ ಎರಡನೇ ಸ್ಥಾನದಲ್ಲಿದ್ದ ಪಬ್ಲಿಕ್ ವೀಕ್ಷಕರ ಸಂಖ್ಯೆ 100 ಅನ್ನು ದಾಟಿರುತಿತ್ತು.
ಕನ್ನಡ ನ್ಯೂಸ್ ಚಾನೆಲ್ ಗಳಲ್ಲಿ ಯಾವುದೇ ಹೊಸತನವಿಲ್ಲದ ಸುದ್ದಿ ಕೆಲವೊಮ್ಮೆ ಸುದ್ದಿಯನ್ನು ಅತಿ ರೋಚಕವೆನಿಸುವಂತೆ ಬಿಂಬಿಸುವ ಪ್ರಯತ್ನಗಳು, ನೋಡುಗರು ಏನನ್ನು ಬಯಸುತ್ತಾರೆ ಎನ್ನುವುದನ್ನು ಕೊಡುವುದನ್ನು ಮರೆತು ತಾವೇ ದೊಡ್ಡವರು ಎಂಬಂತೆ ಸುದ್ದಿಯಲ್ಲದ್ದನ್ನು ಸುದ್ದಿಯಾಗಿಸಲು ನ್ಯೂಸ್ ಚಾನಲ್ ಗಳು ಮಾಡುತ್ತಿರುವ ಪ್ರಯತ್ನ ವೀಕ್ಷಕರನ್ನು ಚಾನಲ್ ಗಳಿಂದ ವಿಮುಖರಾಗುವಂತೆ ಮಾಡಿದೆ ಎಂದು ಹೇಳಬಹುದು.