ವಿವಿಧ ಭಾಷೆಗಳಲ್ಲಿ ಸೂಪರ್ ಹಿಟ್ ಹಾಡುಗಳನ್ನು ನೀಡಿ ಲಕ್ಷಗಟ್ಟಲೆ ಅಭಿಮಾನಿಗಳನ್ನು ಹೊಂದಿದ್ದ ಗಾಯಕ ಕೆ ಕೆ ಅವರ ಅಕಾಲಿಕ ಮರಣ ಅವರ ಅಭಿಮಾನಿಗಳನ್ನ, ಸಂಬಂಧಿಕರನ್ನ, ಸ್ನೇಹಿತರನ್ನ ತತ್ತರಿಸಿತ್ತು. ಅವರ ಮರಣ ನಂತರ ಸ್ವಲ್ಪ ಸ್ವಲ್ಪವೇ ಚೇತರಿಸಿಕೊಳ್ಳುತ್ತಿರುವ ಅವರ ಹೆಂಡತಿ ಮಕ್ಕಳು ಭಾವುಕ ಬರಹವೊಂದನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಕೆ ಕೆ ನಿಮಗೆ ಗಾಯಕನಾಗಿ, ನಮಗೆ ತಂದೆಯಾಗಿ, ಪತಿಯಾಗಿ ಭಿನ್ನ ಸ್ವಭಾವದ ವ್ಯಕ್ತಿತ್ವವನ್ನು ಹೊಂದಿದವರಾಗಿದ್ದರು. ಅವರ ಆಸೆಯಂತೆಯೇ ಅವರ ಪ್ರೊಫೈಲ್ ಫೋಟೋವನ್ನು ಬದಲಿಸಿದ್ದೇವೆ. ಅವರ ಅಗಾಧ ಪ್ರೀತಿಯು ನಮ್ಮನು ಕಾಡುತ್ತಲೇ ಇರುತ್ತದೆ. ಅಂತಹ ಶಕ್ತಿಯನ್ನು ಕಳೆದುಕೊಂಡ ನಾವು ದುಃಖವನ್ನು ಮರೆಯಲು ಯತ್ನಿಸುತ್ತಿದ್ದೇವೆ. ಅವರ ಕೊನೆಯ ಸ್ಟೇಜ್ ಕಾರ್ಯಕ್ರಮದಲ್ಲ್ಲೂ ಸಭೆ ತುಂಬಿದ್ದು ಉತ್ತಮವಾದ ಕಾರ್ಯಕ್ರಮವನ್ನು ಕೊಟ್ಟ ಮೇಲೆಯೇ ಅವ್ರು ನಮ್ಮಿಂದ ದೂರವಾಗಿದ್ದಾರೆ. ಇವೆಲ್ಲವೂ ಅವರ ಜೀವಮಾನದ ಕನಸಾಗಿತ್ತು. ಶ್ರಮವಹಿಸಿ ಕೆಲಸ ಮಾಡುವುದನ್ನು ಹೇಳಿಕೊಟ್ಟ ಮಾತುಗಳನ್ನು ನಾವು ಶಿರಸಾವಹಿಸಿ ಪಾಲಿಸುತ್ತಿದ್ದೇವೆ. ಎಂದು ಭಾವುಕವಾಗಿ ಬರೆದುಕೊಂಡಿದ್ದಾರೆ.