ಕಿರಿಕ್ ಪಾರ್ಟಿರಶ್ಮಿಕಾ ಮಂದಣ್ಣ ಲಕ್ಷಾಂತರ ಯುವಜನರ ಹೃದಯವನ್ನು ಆಳುತ್ತಿರುವ ನಟಿ. ತನ್ನ ಮೋಹಕ ಸೌಂದರ್ಯದಿಂದ ಪರದೆಯ ಮೇಲೆ ಸದಾ ಛಾಪು ಮೂಡಿಸಿರುವ ನಟಿಯಾಗಿ ಆಕೆಯ ಬೆಳವಣಿಗೆ ನಿಜಕ್ಕೂ ಶ್ಲಾಘನೀಯ.
‘ಪುಷ್ಪಾ: ದಿ ರೈಸ್’ ಬಿಡುಗಡೆಯಾದಾಗಿನಿಂದ, ರಶ್ಮಿಕಾ ಅವರ ಅಭಿಮಾನಿಗಳ ಸಂಖ್ಯೆ ಇನ್ನೂ ಹೆಚ್ಚಾಗಿದೆ. ಅದು ಅವರನ್ನು ಅನೇಕ ದೊಡ್ಡ ಬ್ರ್ಯಾಂಡ್ಗಳ ಮುಖವಾಣಿ ಮಾಡಿದೆ. ಅವರ ಏಳಿಗೆ ಭಾರೀ ಮೆಚ್ಚುಗೆಗೆ ಅರ್ಹವಾಗಿದೆ, ಇಷ್ಟು ಕಡಿಮೆ ಸಮಯದಲ್ಲಿ ಕೊಡಗಿನ ಬೆಡಗಿ ದೇಶದಾದ್ಯಂತ ತನ್ನ ಛಾಪು ಮೂಡಿಸಿದ್ದಾರೆ
ಅವರ ಪವರ್-ಪ್ಯಾಕ್ಡ್ ಅಭಿನಯ ಮತ್ತು ಸೌಂದರ್ಯವನ್ನು ಗುರುತಿಸಿ, ಪ್ರಮುಖ ಮನರಂಜನಾ ನಿಯತಕಾಲಿಕೆ ಫಿಲ್ಮ್ ಫೇರ್ ಈ ತಿಂಗಳ ಆವೃತ್ತಿಯನ್ನು ರಶ್ಮಿಕಾ ಅವರಿಗೆ ಸಮರ್ಪಿಸಿದೆ ಮತ್ತು ಅದಕ್ಕೆ ‘RISE AND RISE OF RASHMIKA MANDANNA’ ಎಂದು ಶೀರ್ಷಿಕೆ ನೀಡಿದೆ. ಬಿಳಿ ಪ್ಯಾಂಟ್ನೊಂದಿಗೆ ಕಿತ್ತಳೆ ಬಣ್ಣದ ಟಾಪ್ನಲ್ಲಿ ನಟಿಯನ್ನು ಕಾಣಬಹುದು.
ಈ ಮುಖಪುಟ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಕನ್ನಡ, ತೆಲುಗು, ತಮಿಳು ಚಿತ್ರಗಳಲ್ಲಿ ನಟಿಸಿರುವ ಅವರು ಈಗ ಮಲಯಾಳಂ ಮತ್ತು ಹಿಂದಿ ಚಿತ್ರರಂಗಗಳಲ್ಲಿಯೂ ನಟಿಸುತ್ತಿದ್ದಾರೆ. ಎಲ್ಲಾ ಭಾಷೆಗಳಲ್ಲಿಯೂ ಬಹುತೇಕ ಸ್ಟಾರ್ ನಟರಿಗೆ ನಾಯಕಿಯಾಗಿದ್ದಾರೆ. ಅವರ ಸಿನಿಮಾ ಸಂಭಾವನೆ ಎರಡು ಕೋಟಿ ದಾಟಿದೆ.
ಸದ್ಯ ಅವರು ತಮಿಳಿನ ದಳಪತಿ ವಿಜಯ್ ಜತೆ ಅಭಿನಯಿಸುತ್ತಿದ್ದು. ಬಾಲಿವುಡ್ನಲ್ಲಿ ಅಮಿತಾಭ್ ಬಚ್ಚನ್ ಜತೆಯೂ ನಟಿಸುತ್ತಿದ್ದಾರೆ. ಹಿಂದಿಯಲ್ಲಿ‘ಮಿಷನ್ ಮಜ್ನು’ ಹಾಗು ‘ಗುಡ್ ಬೈ’ ಸಿನಿಮಾ ಜತೆಗೆ ರಣಬೀರ್ ಕಪೂರ್ ಜತೆ ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
