ಗದಗ: ಶಾಸಕ ಬಸವನಗೌಡ ಪಾಟೀಲ್ ಯತ್ನಾಳ್, ರಾಜ್ಯದಲ್ಲಿ ಯಾವುದೇ ವಿಚಾರ ನಡೆಯಲಿ ಅದಕ್ಕೆ ತಮ್ಮದೇಯಾದ ಹೇಳಿಕೆ ನೀಡುವಲ್ಲಿ ಎತ್ತಿದ ಕೈ. ಏನೇ ನಡೆಯಲಿ ಯತ್ನಾಳ್ ಮಾತಾಡ್ತಾರಲ್ಲ. ಅವರೇನೆ ಮಾತಾಡಿದ್ರು ಕಾಂಟರ್ವರ್ಸಿ ಆಗುತ್ತಲ್ಲ. ಈ ಕಾರಣಕ್ಕಾದ್ರು ಯತ್ನಾಳರನ್ನು ಮಾತನಾಡಿಸುವ ಉಮೇದಿ ಮಾದ್ಯಮದವರದ್ದು. ಇತ್ತಿಚೆಗಷ್ಟೆ ದಿಂಗಾಲೇಶ್ವರ ಶ್ರೀಗಳ ಹೇಳಿಕೆಗೆ ಶಾಸಕ ಯತ್ನಾಳ್ ಅವರು ನೀಡಿದ ಹೇಳಿಕೆ ಶ್ರೀಗಳ ಆಕ್ರೋಶಕ್ಕೂ ಕಾರಣವಾಗಿದೆ.
ಯತ್ನಾಳರು ಮಾಜಿ ಸಿಎಂ ಬಿ.ಎಸ್. ಯಡಿಯೂರಪ್ಪ ಅವರ ಮೊದಲು ಹಿಂಬಾಲಕರಾಗಿ, ನಂತರ ವಿರೋಧವಾಗಿ ಕೆಲಸ ಮಾಡಿದವರು. ಯಡಿಯೂರಪ್ಪ ಅವರಿಂದಲೇ ಬೆಳೆದು ಅವರ ವಿರುದ್ಧವೇ ಕತ್ತಿ ಮಸೆಯುತ್ತಾರೆ. ಯತ್ನಾಳ್ ಅವರ ವ್ಯಕ್ತಿತ್ವ, ತತ್ವ, ಸಿದ್ಧಾಂತ ಹಾಗು ಬೆಲೆಹೊಸೂರು ಸ್ವಾಮಿಗಳ ಸಿದ್ಧಾಂತ ಮತ್ತು ಯಡಿಯೂರಪ್ಪ ಅವರ ವ್ಯಕ್ತಿತ್ವ ಏನು ಎಂಬುದು ನಾಡಿಗೆ ಗೊತ್ತಿದೆ. ರಾಜ್ಯಕ್ಕೆ ಬಿಎಸ್ವೈ ಕೊಡುಗೆ ಅಪಾರ. ಈ ಕಾರಣದಿಂದಲೇ ನಾವು ಅಂದು 500 ಮಠಾಧೀಶರನ್ನು ಕಟ್ಟಿಕೊಂಡು ಬೆಂಬಲಿಸಿದ್ದು ರಾಜ್ಯಕ್ಕೆ ಗೊತ್ತಿದೆ. ಅದರ ಫಲವಾಗಿ ಇಂದು ಲಿಂಗಾಯತರೆ ಸಿಎಂ ಆಗಲು ಸಾಧ್ಯವಾಯಿತು. ಅವತ್ತು ಹಾಗೆ, ಇವತ್ತು ಹೀಗೆ ಎನ್ನುವ ಯತ್ನಾಳರು ಇದನ್ನು ಗಮನಿಸಬೇಕು.
ಅನ್ಯಾಯದ ವಿರುದ್ಧ ನಮ್ಮ ಹೋರಾಟವಿರುತ್ತದೆ. ನಮ್ಮ ಹೋರಾಟ ಹತ್ತಿಕ್ಕಲು ಯತ್ನಾಳ್ ಅವರಿಂದ ಅಸಾಧ್ಯ. ನಾನೊಬ್ಬ ಮಠಾಧಿಪತಿಯಾಗಿದ್ದೇನೆ. ಗೌರವಾನ್ವಿತ ಸನ್ಯಾಸಿ ಸ್ಥಾನದಲ್ಲಿದ್ದೇನೆ. ಹೀಗಾಗಿ ನಾನು ಏನು ಮಾತಾಡಿದ್ದೇನೆ ಎನ್ನುವುದು ನನಗೆ ಗೊತ್ತಿದೆ. ನನ್ನ ಮಾತಿನ ಬಗ್ಗೆ ಮಾತನಾಡುವ ಯತ್ನಾಳರಿಗೆ, ನಾನು ಉತ್ತರ ಕರ್ನಾಟಕ ಬಗ್ಗೆ ಮಾತನಾಡಿದ್ದೇನೆ ಎನ್ನುವ ಪರಿಜ್ಞಾನವಾದ್ರು ಇರಬೇಕಿತ್ತು ಎಂದು ಶಿರಹಟ್ಟಿ ಫಕೀರೇಶ್ವರ ಮಠದ ಫಕೀರ ದಿಂಗಾಲೇಶ್ವರ ಶ್ರೀಗಳಿಂದ ಶಾಸಕ ಬಸವನಗೌಡ ಪಾಟೀಲ್ ಯತ್ನಾಳ್ ವಿರುದ್ಧ ಆಕ್ರೋಸಸ ವ್ಯಕ್ತವಾಗಿದೆ.
