ನಿಗೂಢವಾಗಿ ಆತ್ಮಹತ್ಯೆ ಮಾಡಿಕೊಂಡು ಸಾವನ್ನಪ್ಪಿದ ಕೆಫೆ ಕಾಫಿ ಡೇ ಸಂಸ್ಥಾಪಕ ಸಿದ್ದಾರ್ಥ್ ಜೀವನಾಧಾರಿತ ಸಿನಿಮಾ ತೆರೆಗೆ ಬರಲಿದೆ. ನಿರ್ಮಾಣ ಸಂಸ್ಥೆ ಟಿ ಸಿರೀಸ್ ಫಿಲ್ಮ್ ಅಲ್ಮ್ ಲೈಟ್ ಮೋಷನ್ ಪಿಕ್ಚರ್ ಮತ್ತು ಕರ್ಮ ಮೀಡಿಯಾ ಎಂಟರ್ಟೈನ್ಮೆಂಟ್ ಸಿದ್ದಾರ್ಥ್ ಬಯೋಪಿಕ್ ಮಾಡುವುದಕ್ಕೆ ಸಿದ್ದವಾಗಿದೆ. ಈ ಮುನ್ನ ಇದೇ ನಿರ್ಮಾಣ ಸಂಸ್ಥೆಗಳು ಉದ್ಯಮಿ ರತನ್ ಟಾಟಾ ಅವರ ಕುಟುಂಬ ಸದಸ್ಯರು ಬಯೋಪಿಕ್ ಮಾಡೋದಾಗಿ ಘೋಷಿಸಿದ್ದವು.
Coffee King: The Swift Rise and Sudden Death of Cafe Coffee Day Founder V. G. Siddhartha ಪುಸ್ತಕವನ್ನು ತನಿಖಾ ಪತ್ರಕರ್ತರಾದ ರುಕ್ಮಿಣಿ ಬಿಆರ್ ಮತ್ತು ಪ್ರೊಸೆನ್‌ಜಿತ್ ದತ್ತಾ ಬರೆದಿದ್ದಾರೆ. ಈ ಪುಸ್ತಕ ಮ್ಯಾಕ್‌ಮಿಲನ್ (ಇಂಡಿಯಾ) ದಿಂದ ಪ್ರಕಟವಾಗಲಿದೆ. ಟಿ-ಸೀರೀಸ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಭೂಷಣ್ ಕುಮಾರ್, “ಪ್ರತಿಯೊಬ್ಬರೂ ಕೆಫೆ ಕಾಫಿ ಡೇ ಬ್ರ್ಯಾಂಡ್‌ ಪರಿಚಯ ಹೊಂದಿದ್ದಾರೆ. ದೇಶದ ಅತಿದೊಡ್ಡ ರಿಟೇಲ್ ಚೈನ್ ನ್ನು ಸ್ಥಾಪಿಸಿದ ವ್ಯಕ್ತಿಯ ಈ ಕುತೂಹಲಕಾರಿ ಬಯೋಪಿಕ್ ಅನ್ನು ತೆರೆಗೆ ತರಲು ನಾವು ಸಾಕಷ್ಟು ಉತ್ಸಾಹದಿಂದಿದ್ದೇವೆ.” ಎಂದಿದ್ದಾರೆ.
ದೇಶದ ಅತಿದೊಡ್ಡ ಕಾಫಿ ರಿಟೇಲ್ ಚೈನ್ ಸಿಸಿಡಿ ಸಹ-ಸ್ಥಾಪಕರಾಗಿದ್ದ ಸಿದ್ಧಾರ್ಥ ಅವರು ಜುಲೈ 31, 2019 ರಂದು ಮಂಗಳೂರಿನ ಬಳಿ ಶವವಾಗಿ ಪತ್ತೆಯಾಗಿದ್ದರು. ವ್ಯಾಪಾರದಲ್ಲಿ ಅಪಾರ ಆರ್ಥಿಕ ನಷ್ಟ ಉಂಟಾಗಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿತ್ತು.
ತೆರೆಗೆ ಬರಲಿದೆ ಕಾಫಿ ಡೇ ಸಿದ್ದಾರ್ಥ್ ಬಯೋಪಿಕ್!
