ಚಾಮರಾಜನಗರದಲ್ಲಿ ಪದವೀಧರ ಮತದಾರರಿಗೆ ಭರ್ಜರಿ ಬಾಡೂಟ

ಚಾಮರಾಜನಗರ: ಚಿಂತಕರ ಚಾವಡಿ, ಮೇಲ್ಮನೆಗೆ ಹೋಗಲು ದಕ್ಷಿಣ ಪದವೀದರರ ಕ್ಷೇತ್ರದಿಂದ ಸ್ಪರ್ಧಿಸಿರುವ ಅಭ್ಯರ್ಥಿಗಳು ಮತದಾರರಿಗೆ ಕಳೆದ ಮೂರು ದಿನಗಳಿಂದ ಭರ್ಜರಿ ಬಾಡೂಟ ಕೇಳಿದವರಿಗೆ ಮದ್ಯದ ಸೇವೆ ಮಾಡುತ್ತಿರುವ ವಿಡಿಯೋ ವೈರಲ್ಲಾಗಿದೆ. ಚಾಮರಾಜನಗರದ ಖಾಸಗಿ ಹೋಟೆಲ್ ಹಾಗು ಯಳಂದೂರಿನ ತೋಟದ ಮನೆಯೊಂದರಲ್ಲಿ ಈ ಬಾಡೂಟ ಸೇವೆ ನಡೆದಿದ್ದು ನೂರಾರು ಮಂದಿಯ ‘ಬೇಕು-ಬೇಡಗಳನ್ನು’ ಒಂದು ಪಕ್ಷದ ಮುಖಂಡರು ನೋಡಿಕೊಳ್ಳುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ‌. ಬಾಡೂಟಕ್ಕೆ ಹೋದ ವ್ಯಕ್ತಿಯೊಬ್ಬರು‌ ತೆಗೆದ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ, ಪ್ರಜ್ಞಾವಂತರು ಎನಿಸಿಕೊಂಡವರು ಆಮೀಷಕ್ಕೆ ಒಳಗಾದರೇ? ಎಂಬ ಪ್ರಶ್ನೆ ಮೂಡಿದೆ.