ಇತ್ತೀಚಿಗೆ ನಡೆದ ಪರ್ಸೋನಾ ಮಿಸೆಸ್ ಇಂಡಿಯಾ ಯೂನಿವರ್ಸ್ ಕಿರೀಟ ಹೇಮಾ ನಿರಂಜನ್ ಅವರ ಮುಡಿಗೇರಿದೆ. ಹೌದು ಬೆಂಗಳೂರಿನ ಹೇಮಾ ನಿರಂಜನ್ ಪರ್ಸೋನಾ ಮಿಸೆಸ್ ಇಂಡಿಯಾ ಸೀಸನ್ 5 ವಿಜೇತೆಯಾಗಿದ್ದಾರೆ. ಹೇಮಾ, ವೃತ್ತಿಯಲ್ಲಿ ಇಂಟೀರಿಯರ್‌ ವಿನ್ಯಾಸಕಿ. ಇದೀಗ ಈ ವಿಜಯದ ಪತಾಕೆಯನ್ನು ವಿದೇಶದಲ್ಲೂ ಹಾರಿಸಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಕೆಲ ತಿಂಗಳಲ್ಲಿ ನಡೆಯಲಿರುವ ಮಿಸೆಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ಹೇಮಾ ಭಾರತವನ್ನು ಪ್ರತಿನಿಧಿಸಲಿದ್ದಾರೆ. ಹೇಮಾ ನಿರಂಜನ್ ಅವರು ವೇದಿಕೆಯಲ್ಲಿ 33 ಫೈನಲಿಸ್ಟ್‌ಗಳೊಂದಿಗೆ ಸ್ಪರ್ಧಿಸಿ ವಿಜೇತರಾಗಿದ್ದಾರೆ. ಇನ್ನು ಈ ಕಾರ್ಯಕ್ರಮವನ್ನು ಬಿಗ್ ಬಾಸ್ ಖ್ಯಾತಿಯ ಶಾರ್ದೂಲ್ ಪಂಡಿತ್ ಮತ್ತು ಆರ್‌ಜೆ ಶ್ರವಣ್ ನಡೆಸಿಕೊಟ್ಟರು. ಈ ಕಾರ್ಯಕ್ರಮದ ತೀರ್ಪುಗಾರರಾಗಿ, ಅರ್ಚನಾ ಕೊಚ್ಚರ್, ಆಕಾಶ್ ಚೌಧರಿ, ಅಮೀರ್ ದಾಲ್ವಿ, ಕರಣ್ ಖಂಡೇಲ್ವಾಲ್, ಕರಿಷ್ಮಾ ಮೋದಿ, ಅವಿ ಮಿತ್ತಲ್, ಅಂಜಲಿ ರೈನಾ, ಮತ್ತು ಮೇಘಾ ಅಗರ್ವಾಲ್ ಇದ್ದರು.
ಬೆಂಗಳೂರಿನ ಹೇಮಾ ನಿರಂಜನ್ ಗೆ ಪರ್ಸೋನಾ ಮಿಸೆಸ್ ಇಂಡಿಯಾ ಯೂನಿವರ್ಸ್ ಕಿರೀಟ
